ENQUISA SOBRE OS SERVIZOS DA BIBLIOTECA E A HORA DE LER DO CURSO 2021-2022

ROTEIRO DA MEMORIA DEMOCRÁTICA POLO CARRIL

Un grupo do alumnado de 1º de Bacharelato do IES O Carril, tivo a oportunidade de realizar o venres, 10 de xuño de 2022, un roteiro organizado polo Departamento de Historia e pola Biblioteca, para coñecer in situ parte da Memoria Democrática de Vilagarcía de Arousa, da man de pesrsoas que saben moito desta materia e que se esforzan por divulgar e compartir os seus coñecementos e de transmitir, para fortalecer, valores democráticos: Margarita Teijeiro Suárez, Antonio Caeiro e Xosé Castro Ratón. Incansables activistas os tres, comprometidos con múltiples iniciativas e que son responsables entre outras actividades das vencelladas ao Faiado da Memoria e á Memoria Democrática de Vilagarcía.

Dos ROTEIROS DE MEMORIA DEMOCRÁTICA existentes no concello de Vilagarcía de Arousa, que mellor que empezar a coñecelos polo do Carril. E de feito, nin dou tempo a saír do Carril.

Esta tamén é unha actividade de lectura no sentido máis amplo do concepto.

SUXESTIÓNS MAIO

DOMINGO VILLAR, IN MEMORIAM

https://www.rtve.es/play/videos/somos-cine/playa-hogados/5630121/

LETRAS GALEGAS 2022 NO IES O CARRIL

E-LBE.2, a plataforma de lectura e préstamo de contidos dixitais para escolares

A Consellería de Cultura, Educación e Universidade da Xunta de Galicia puxo en marcha E-LBE.2, a plataforma de lectura e préstamo de contidos dixitais escollidos segundo os intereses dos escolares. Este servizo está vencellado ás bibliotecas escolares dos centros educativos galegos públicos integrados no PLAMBE. Ese é o caso do IES O Carril. Hai dispoñibles 3000 contidos dixitais en galego e castelán para ler en pantalla, en todo tipo de dispositivos e mesmo de modo simultáneo (computador, e dispositivos móbiles), en calquera momento e lugar.

https://bega-elbe2.edu.xunta.es/

CALIGRAMAS

Como se adiantaba nunha entrada anterior, xa está instalada a exposición de caligramas presentados á convocatoria do concurso, unha das actividades organizadas no instituro con motivo do DÍA DA POESÍA.

Os caligramas están pendurados no segundo andar. Para elixir de entre todos os presentados aos gañadores, alumnado e profesorado podemos votar.

21 de marzo: DÍA DA POESÍA

Arredor desta efemérides vanse ir desenvolvendo tres actividades especiais nas paredes do instituto.

De momento, no corredor da biblioteca hai colocadas unhas cartulinas para que quen o desexe deixe escrito un endecasílabo feliz, aínda que sexa de mentira.

Instalarase nesta semana, tamén no corredor da biblioteca, unha exposición con traballos elaborados polo alumnado de 4º ESO centrado nunhas decenas de mulleres poetas que compoñeron as súas obras en castelán, baixo o lema UN CANON DEL SIGLO XXI. Por arrimar o interese pola poesía ás actividades do centro con motivo do 8M que se estenden a todo o mes, escolléronse solo mulleres opoetas por esta vez. E tamén se fai así por compensar a presencia marcadamente masculina dos autores varóns nos libros de literatura.

Para a vindeira semana, está planeada outra exposición de poesía, esta de caligramas creados por todo o alumnado de ESO, que se estenderá por varias paredes de varios andares porque moito alumnado se sumou a esta iniciativa.

Andrea Maceiras no Carril

Como o alumnado de 1º ESO leu A folla azul, de Andrea Maceiras (e mesmo hai quen leu tamén Volverás golfiño) esta autora quixo compartir unha sesión con estes rapaces e estas rapazas.

No libro cóntase que na selva amazónica do Brasil vive unha nena chamada Husu Aké, da tribo Tacaré. A avoa de Husu Aké ten poderes adiviñatorios. Intúe que o home branco chegará ás terras dos Tacaré
causando grandes problemas, por iso decide compartir coa neta todos os seus coñecementos, incluídos aqueles que adquiriu de nena cando viviu entre os brancos como a lingua portuguesa.
Pero o conto complícase, claro…

A actividade resultou todo un éxito, malia que houbo que realizala no pavillón pequeno porque non temos salón de actos e na bilioteca, coas medidas sanitarias vixentes, non cabe tanta xente.

Na parte final, Andrea Maceiras asinou libros e recibíu uns agarimosos agasallos.

Para quen non os lera aínda, estes liros dela e máis algúns outros están á vosa disposición en Bibliomalveiras.

8M: Actividades organizadas polo profesorado do grupo de Igualdade do instituto do Carril

No marco da conmemoración do 8M o alumnado de 4º ESO e 1º de bacharelato do IES O Carril participou o venres 18 de marzo pola mañá nun encontro cos colectivos feministas “O Soño de Lilith” e “Feministas de Catoira” no auditorio municipal de Vilagarcía.

Daisy Alcalde e Alejandra Muñiz, representantes da asociación vilagarciana “O Soño de Lilith”, e Vanessa Pérez e Cristina Longo, voceiras de “Feministas de Catoira”, expuxeron a traxectoria das dúas asociacións, as súas motivacións e os obxectivos fundamentais do seu traballo para a concienciación a prol da igualdade e responderon ás preguntas dun alumnado que se amosou participativo e moi interesado. Explicaron e defenderon un feministo transversal onde a loita feminista vai da man da ecoloxía, do antirracismo e da defensa dos dereitos LGTBI+. Subliñaron, pois, a importancia de construír un mundo máis xusto sen opresións e no que as diferenzas non supoñan desiguais oportunidades, tratos ou dereitos.

Daisy Alcalde e Cristina Longo son antigas alumnas do noso instituto.

Este acto veuse a sumar ás actividades que nesta semana organizou o grupo de Igualdade do instituto do Carril, que acolle neste momento a exposición da V Edición de Festivala: mulleres creando, facilitada pola asociación “O Soño de Lilith” coa colaboración do concello de Vilagarcía.

Entre outras actividades, o alumnado de 2º ESO tivo a oportunidade de coñecer o labor e as reivindicacións da asociación de mariscadoras “Amarcarril” da man de Inma Otero, Rita Vidal e Pupe Jueguen, que visitaron o centro o pasado xoves 17, achegando materiais divulgativos e mesmo ferramentas de traballo.

Os actos do 8M completaron o coñecemento da situación actual das mulleres coa análise da historia dos seus dereitos. Esta quere ser graficamente plasmada nun estudo do alumnado de 3º ESO, que está a elaborar a “Liña do tempo dos dereitos das mulleres” para reflectir o difícil camiño da reivindicación.

A %d blogueros les gusta esto: