DÍA DO LIBRO. 23 DE ABRIL.

Este domingo celébrase o Día do libro como todos os 23 de abril. A data ten que ver coa festa catalana do San Xurxo, pero coincide tamén co aniverdario do pasamento de Miguel de Cervantes e de William Shakespeare, quen morreron en 1616.

Neste ano, o Premio Cervantes que se outorga co motivo desta efemérides foi recollido polo novelista catalán Eduardo Mendoza.

FullSizeRender (3)

En Bibliomalveiras e no instituto en xeral dá comezo o MES DAS LETRAS que irá correndo cara o Día das Letras Galegas.

Así que nas vindeiras semanas sucederánse diferentes actividades especialmente vencelladas á poesía, por unha banda, e a honrar á figura e a obra de Carlos Casares, por outra.

E por certo, estreamos cartelería propia divulgando os servizos da biblioteca que ata agora só figuraba como infografía no blog.

Nais contra a violencia de xénero

As nais da ANPA AS BRIÑAS, que así se chama a asociación das familias do noso instituto, propoñen que adiquemos apenas uns catro minutos a visionar este estupendo vídeo elaborado por Alicia Ródenas Sánchez, unha estudiante de Bacharelato do IES Diego de Siloé de Albacete, e presentado ao 7º Short Movies Festival.

Esta curta que xa foi reproducida unhas 300.000 veces e mesmo foi noticia dos informativos de televisión, non deixa indiferente a ninguén sexa cal sexa o seu sexo ou idade.

Por outra banda, merece a pena reparar en que non se precisan tantas excelencias tecnolóxicas cando sobra talento, entusiasmo e convicción.

Bravo, Alicia!

E gracias ás mamás pola súa suxestión.

MARUJA MALLO

A pintora viveirense Maruxa Mallo foi homenaxeada pola Real Academia Galega de Belas Artes no Día das Artes Galegas 2017, que se celebrou o pasado 1 de abril, na súa vila natal.

ACADEMIA GALEGA DAS BELAS ARTES

Maruxa Mallo tratouse en pé de igualdade coa intelectualidade das primeiras décadas do século XX antes de partir ao exilio cando a Guerra Civil. Ela foi unha das Sinsombrero e conservou na súa poderosa memoria moitísimas referencias históricas e culturais que compartíu xenerosamente desde que regresou a España nos anos sesenta do s. XX.

Ao noso xeito, en Bibliomalveiras tamén lle quixemos adicar a nosa atención e respecto visionando un fabuloso documental de rtve titulado IMPRESCINDIBLES. MARUJA MALLO.

Como a esta actividade tan so asistíu o alumnado do Bacharelato Artístico de 1º e 2º e o alumnado de Hª da Arte de 2º de Bacharelato, deixamos aquí o enlace a este vídeo que paga moito a pena ver

Imprescindibles. Maruja Mallo

“Tira da páxina” con Miguel Hernández

Como o pasado 28 de marzo se cumprían os 75 anos da morte do poeta Miguel Hernández, no club de lectura “Tira da páxina” decidiron rendirlle unha homenaxe singular.

Por unha parte, realizaron unha súa versión dos moitos retratos que existen do poeta.

Miguel Hernández

Por outro lado, puxéronse a ler os seus poemas e escolleron versos para expoñelos sobre o retrato.

Miguel Hernández versos

Con esta iniciativa pretenden ademais reclamar a atención de cantas persoas circulamos polo vestíbulo, cara a biblioteca, cara a cafetería, cara o patio… cara á poesía de Miguel Hernández.

Publicamos “Historias de arte / Histoires d’art”

portada historias de arteO alumnado do intercambio con Francia , tanto galego como bretón, realizou unha experiencia de creación de relatos co apoio de Bibliomalveiras. Os textos están en castelán e francés.

Para ler o libro preme nesta ligazón.

Debido á técnica utilizada os textos son ás veces estrafalarios ou cando menos curiosos. Este é un extracto da introducción onde se explica brevemente o proceso da escrita:

Inspirándose en la escultura Telamón de Francisco Leiro, situada en la entrada principal del I.E.S. Miguel Ángel González Estévez, el alumnado tenía que construir un relato bilingüe  con una técnica similar al “cadáver exquisito”: en un papel plegado escribieron por turnos una parte del relato sin ver nada más que la parte inmediatamente anterior escrita por sus compañeros.

DÍA DA POESÍA: GLORIA FUERTES

Neste ano conmemórase o centenario do nacemento de Gloria Fuertes (1917-1998) e con tal motivo corresponde homenaxear a esta muller non sempre ben ponderada, máis alá da súa exitosa dedicación á poesía infantil.

Pero a poeta posuía outras inquedanzas ademais, como se desprende da lectura desta peza, por exemplo:
Cuando muera,
no te eches a llorar,
échate la siesta con tu amante de turno.

Cuando muera
no te eches a llorar
échate el alma a la espalda
y mi amor a los pies
como aquel día.

Cuando muera
no te eches a llorar,
seré yo, la que llene con mi llanto
tus manos vacías.

Enlazamos esta estupenda presentación que atopamos na Biblioteca Pública da Coruña.

E ben merece a pena botarlle un ollo tamén a este traballo que preparou o xornal El País no pasado mes de febreiro

Gloria Fuertes, una poesía mayor de edad

O novo carballo e o primeiro rótulo identificador

vídeo do acto

Tal e como estaba previsto, procedeuse no día de onte á platación do novo carballo e quedou colocado o primeiro dos rótulos identificadores das especies arbóreas do espazo verde do noso instituto.

O departamento de ciencias foi quen organizou este bonito acto contando coa colaboración do profe de Tecnoloxía e do departamento de Artes. As profes da biblio e a coordinadora de dinamización lingüística tamén botamos unha man. Pero cómpre salientar a participación tan activa do alumnado da Banda de gaita e percusión do centro e mais do club de lectura Tira da páxina.

Ademáis, como ao remate deste curso dous profes, Xosé Artiaga e Manuel Chouza, van iniciar unha nova etapa nas súas vidas trala xubilación, aproveitamos para rendirlles unha cariñosa homenaxe.

Empezando pola directora, moitas persoas quixeron sumarse a este acto celebrado durante o segundo recreo.

IMG_0942

 

 

LENDO AS NOSAS ÁRBORES

IMG_0915

Case a piques de entrar na primavera, celebramos da man do Departamento de Ciencias unhas xornadas arredor das árbores con motivo do Día da árbore que se celebra o 21 de marzo.

Desde hoxe, está ao noso dispor no vestíbulo do primeiro andar a exposición “TRABALLANDO COAS ÁRBORES DO ESPAZO VERDE DO CENTRO”

 

IMG_0919

Este martes 14 de marzo, no 2º recreo procederase á plantación dun carballo, a árbore máis enxebre de Galiza, na zona verde do instituto O acto será realzado co son da banda de gaitas e percusión do centro e coa lectura de textos alusivos á efeméride que realizarán os membros do club de lectura Tira da páxina.

IMG_0918

Ademais terá lugar a inauguración da colocación dos primeiros letreiros identificadores das árbores, labor que se irá completando ao longo deste curso e do vindeiro. Isto ven sendo un paso máis para facilitar a  identificación das especies arbóreas e arbustivas da nosa guía O ESPAZO VERDE DO IES CARRIL.

IMG_0916

Nos restantes días da semana tocará plantar arbustos e bulbos co alumnado de 1º ESO. Rematarase o traballo xa iniciado de calcos de codias e mais a medición da altura das árbores.

 

QUE MULLERES! Fallo do xurado.

Á espera aínda (se cadra) dalgunha reclamación, están expostas as grellas de todos os grupos participantes na pizarra do corredor da biblioteca onda as solucións.

sol. quiniela.jpg

O grupo/aula que mellor respondeu é o de 1º ESO B, así que esta xentiña xeitosa será quen disfrute polo que queda de curso do sillón ou sillóns que quedarán instalado/s na súa aula proximamente.

 

IMG_0914

Noraboa!

Por que non coñecemos inventos creados por mulleres?

A serra circular, as bengalas, os limpaparabrisas, os modernos botes salvavidas, a cirurxía láser para curar as cataratas, o adhesivo para a cirurxía do corazón, o telescopio acuático, tratamentos contra a leucemia, o sida e a malaria, o primeiro algoritmo de ordenador, as pastillas de freno, a propulsión de satélite, o material antibalas…