CARLOS PUGA FALOUNOS DOS COGOMELOS

Este mércores 7 de novembro visitounos Carlos Puga, un dos membros fundadores da asociación micolóxica A Cantarela. Foi convidado polas profesoras de Ciencias para que lles explicara un pouquiño do moitísimo que el sabe sobre os cogomelos ao alumnado do Bacharelato de Ciencias. Á verdade, non era esta a súa primeira visita ao centro.

 

E claro que si, a charla resultou moi productiva e interesante para todas as persoas asistentes.

Mágoa que, dadas as limitacións do aforo, non a poideran compartir máis persoas.

 

Anuncios

COGOMELOS CON XELA

Neste outono, coma sempre, as profes do departamento de Ciencias organizaron no distribuidor do primeiro piso unha estupenda exposición centrada nos cogomelos que elas mesmas recolleron e clasificaron.

Dun xeito moi especial hai que recoñecer o entusiasmo de Xela na implicación da selección do material empregado para esta actividade.

Mesmo incluiu algunha peza literaria propia.

IMG_6468

Como vedes, nesta entrada do blog tendes a oportunidade de ler algún detalles. Desfrutade e aprendede.

INVENTOS E INVENTORAS

A propósito do concurso de inventos que con motivo da 3ª Semana da Ciencia está convocado, resulta oportuno lembrar que moitos dos inventos dos que nos servimos foron xerados por mentes femininas.

Proximamente inauguraremos unha pequena exposición de mulleres inventoras, pero polo de agora aí vai este vídeo

HORA DE LER 2018-2019

cadro hora ler.jpg

Igual ca nos cursos anteriores, bótase a andar a “HORA DE LER” no Primeiro nivel da Educación Secundaria Obrigatoria, co fin de potenciar e mellorar as actitudes fronte á lectura, pero sen o sometemento á presión dunha avaliación. Garántese así que o alumnado teña a oportunidade de desfrutar dun tempo semanal específico de lectura nun ambiente propicio de calma e silencio (xa que se cadra non todo o mundo pode contar con esta situación óptima na casa).

A tal efecto colocáronse os cadros horarios nas aulas de 1º ESO onde xa están dispostas as respectivas CAIXAS DE LER con recursos que non se poden levar para as casas.

Como novidade, neste curso os libros van poder estar ben colocados en estanterías para facilitar o seu manexo.

Se nalgún caso coincidira a sesión programada da HORA DE LER con algún exame ou actividade que impedira levar a cabo o tempo de lectura dese día, hase recuperar noutra sesión da mesma materia nas datas máis próximas á inicialmente prevista.

CONCURSO DE INVENTOS NA SEMANA DA CIENCIA

 

IMG_6388.jpg

IMG_6390.png

3ª SEMANA DA CIENCIA NO IES DO CARRIL

“MIGUEL ÁNGEL GONZÁLEZ ESTÉVEZ”

Do 26 ao 30 de novembro de 2018

CONCURSO DE INVENTOS E INNOVACIÓNS

BASES

Poderán presentarse inventos ou innovacións que poidan resolver calquera problema, mesmo algún problema ficticio ou gratuíto, ou prestar algún servizo para o cal a tecnoloxía aínda non evolucionou o suficiente. Por exemplo: un paraugas para can.

Valoraranse:

        • a orixinalidade,

        • o enxeño,

        • a presentación (calidade do resultado final e da estética),

        • a funcionalidade aplicada da proposta.

Todas as propostas presentadas quedarán en exposición durante a semana da ciencia que se celebrará na derradeira semana de novembro.

Participantes

Todo o alumnado do centro pode concursar individualmente, en parellas ou por equipos.

Categorías

1ª: alumnado de 1º, 2º e 3º ESO

2ª: alumnado de 4º ESO, Bacharelato e ciclo superior TSAAFD.

Modalidades

Haberá dúas modalidades:

  1. Debuxo

  2. Maqueta

Requisitos

As propostas presentadas deberán estar identificadas cun nome específico (por exemplo “paracanaugas”), ser absolutamente inéditas e han ser acompañadas dun esquema ilustrativo e/ou dun breve texto explicativo do seu funcionamento.

Por exemplo

PARAUGAS PARA CANS E CADELAS QUE LEVA INCORPORADA A CORREA DO ANIMAL.

Claro que este non serve porque xa está comercializado. Ollo, que ten que ser orixinal!

Prazo de presentación

A data límite será o luns 26 de novembro.

Premio único

A persoa ou persoas en quen recaia o premio recibirá

  1. un único cheque para consumir na cafetería do centro,

  2. un diploma,

  3. o nomeamento como persoa máis enxeñosa do ano

  4. e a publicación do invento ou innovación premiado na páxina web do centro e no blog da biblioteca.

Fallo do xurado

O xurado, constituído polo equipo docente da biblioteca, dará a coñecer o seu fallo o venres 30 de novembro.

RADIO NA BIBLIO

Neste curso e da man de Susana Suárez ponse a andar un  proxecto novo

IMG_6336.jpg

Hai un grupo moi riquiño de alumnado da ESO que con moita ilusión vai facer realidade este proxecto. Ben seguro que vai ser un éxito.

Cada quince días van quedar a xantar no centro para coñecerse mellos, traballar ao xeito e confraternizar co alumnado do club de lectura.

Se buscades na páxina web do centro e neste blog iredes vendo os seu avances e poderedes escoitar os seus podcasts.

“TIRA DA PÁXINA” REINÍCIASE

Desde o 5 de outubro reiniciouse a actividade do club de lectura TIRA DA PÁXINA aínda que o grupo dos maiores seguiron en contacto durante as vacacións estivais para comentar a lectura de

9788492805020-uk

E mesmo o alumnado que xa está na universidade mantivo a súa implicación.

Neste curso 2018-2019 existen varios grupos:

o do alumnado de 1º ESO que está a ler

índice

o do alumnado de 2º ESO que está a ler

IJ00535501

E o alumnado dos maiores que está a ler

9788491511908

Afortunadamente, continúa colaborando co club de lectura Tareixa Escariz en calidade de profesora emérita xa que comezou este curso para xubilarse ao rematar setembro. Noraboa por tantísimo traballo tan ben feito! Graciñas, Tareixa, por seguir con nós.

A profesora que coordina agora o club é Pilar Conde apoiada para atender a todos os grupos por Miguel Barros e Manuela Iglesias.

Próximamente reiniciaranse tamén as quedadas dos martes para xantar no centro e ter máis tempo para compartir impresións e suxestións arredor dos libros que se están lendo. Ademais neste tempo entre a xornada da mañá e da tarde haberá oportunidade para confraternizar e colaborar co grupo da Radio na Biblio.

Que estupenda xente tan chuliña que temos!

 

 

LECTURAS REFRESCANTES PARA ESTE VERÁN

Nesta ocasión, as profes da biblio optamos preferentemente por propostas de lectura estival ou películas que temos en Bibliomalveiras, pero non exclusivamente.

E aínda que o servizo de préstamo pecha co remate das actividades lectivas, estes libros son fáciles de localizar nas bibliotecas públicas, nas librerías e ata nos propios domicilios porque nalgúns casos estes libros rcomendados entraron nos listados de lecturas obrigatorias e recomendadas dalgunhas materias.

Os criterios adoptados para a súa selección foron basicamente:

  1. as recomendacións de quen os leu ou veu con satisfacción,
  2. as novidades máis exitosas,
  3. as obras de Mª Victoria Moreno, autora a quen se honrou coas Letras Galegas neste ano.

Como escollemos un importante lote de libros (e algunhas películas), ben seguro que todo o mundo poderá atopar unha opción axeitada para si ou para lle aconsellar a outras persoas.

Ademais, a presentación que fixo Matilde quedou chulísima e o catálogo en papel tamén.

Desfrutade canto poidades!!!

Sin título

 

 

 

 

 

 

 

 

 

 

 

 

 

CITAS MATEMÁTICAS PARA PENSAR

IMG_5512

O equipo de profesoras de Bibliomalveiras propoñemos nun mural na entrada principal do edificio un diagrama (a Maika pareceulle axeitado un deseño tal que non desentonara cos pensamentos matemáticos seleccionados por Mercedes Ferreiro) de LECTURAS DOSIFICADAS DE CITAS MATEMÁTICAS PARA PENSAR.

IMG_5514

E así, neste tempo de visitas para recoller notas e matricularse, quen queira poderase parar diante. aínda que sexa para matar os ratos de espera, lendo unha ou varias doses destas citas matemáticas de 14 mulleres e un home.

El pase de diapositivas requiere JavaScript.

Botádelle un ollo porque vos vai prestar.

De veras.

 

Recitando poesía en Bibliomalveiras

Con motivo do día da poesía, que se celebra cada ano o 21 de marzo, o grupo de 1º ESO B baixou á Bibliomalveiras coa súa profesora de LCL, Clara Piñeiro, para realizar un recital de poemas no que tod@s alternabaan o rol de público e o de actuantes.

Desafortunadamente, ese día os recursos técnicos do centro “fixeron folga” e a gravación dos vídeos non resultou moi exitosa. Houbo que botarlle algo de paciencia (a de Mani, o conserxe, en concreto) para recuperar algunhas partes que como esta peza de vídeo dan conta da fermosa actividade realizada.

Quen aquí recita é Nerea Santaella:

A que está xenial?

Pois a ver quen se anima a repetir, ou a probar por vez primeira, porque queremos máis poesía ben recitada neste blog.