Archivo del sitio
DÍA DA PAZ + TANXUGUEIRAS
CALIGRAMAS DA PAZ
Mil non, pero varios centos si
Acadamos un número excelente de grullas. A bandada ís medrando pouco a pouco.
Sobre todo, cómpre agradecer ao alumnado de 1º ESO o éxito. Pero moitos outros grupos tamén colaboraron. E tampouco imos esquecer a implicación do profesorado.
Hai que destacar ao profe de mates, Víctor Castrillón Cimadevila, pois non so lle ensinou ao seu alumnado a confeccionar grullas, senón que el se encargou de realizar a grulla máis grnde e máis pequechiña de todas.
E así lucen todas as fermosas grullas de cores nunha escultura efímera colgante sobre o acdeso á porta de Bibliomalveiras.
Esta bandada de grullas da paz resultaron ser aves migratorias e xa atoparon un novo destino no MARZO SEN FRONTEIRAS que organiza o alumnado do ciclo superior que se celebrará no pavillón de FEXDEGA o vindeiro 27 de marzo.
Día da paz no 2019
Xusto dentro dunha semana estaremos a celebrar un novo DÍA ESCOLAR POLA PAZ E CONTRA A VIOLENCIA. Cada 30 de xaneiro rememórase así o aniversario da morte de Mahatma Gandhi de tal xeito que tendo presente a este gran personaxe tamén se poñen en valor os principios e valores que el defendeu de modo pacifista.
Desde Bibliomalveiras propoñemos unha serie de recursos relacionados con esta efeméride e cos contidos que representa. Pero tamén queremos achegar a quen pase polo corredor de acceso os principais símbolos da paz, o seu significado e maila súa pequena historia.
Pero ademais, convidámosvos a facer unha chea de grullas de pael de diversas cores:
CHARLA CON EX DEPUTAD@S DO PARLAMENTO DE GALICIA
O alumnado de 2º ESO participou na tarde do martes, 30 de xaneiro, Día Escolar da Non Violencia e a Paz, nunha charla con tres ex deputados e unha ex deputada do Parlamento de Galicia:
– ROSA OUBIÑA SOLLA (PP de G)
– XULIO PARDELLAS DE BLAS (PSOE de G)
– FRANCISCO TRIGO DURÁN (BNG)
– JUAN MANUEL FAJARDO RECOUSO (Alternativa Galega de Esquerdas)
Esta actividade, organizada pola biblioteca e mais polas profesoras de CC. SS. e de Oratoria foi solicitada en setembro ao Parlamento de Galicia para tal data co obxecto de poñer en valor a actividade parlamentaria, e a política e a negociación en xeral, como as mellores estratexias para a resolución de conflitos socias frente aos enfrentamentos, revoltas e guerras.
Previamente, cada grupo de alumnado visionara e comentara nas aulas un vídeo didáctico facilitado polo Parlamento
O acto iniciouno a directora quen despois dunha introducción presentou a tan distinguidos personaxes.
A continuación, foron intervindo en quendas de 10 minutos cada unha das persoas invitadas.
E na parte final do acto, foi o alumnado quen coas súas intervencións tomou a iniciativa dos temas abordados.
A prensa tamén se fixo eco desta actividade
DÍA da PAZ. Xaneiro de 2016
As alumnas auxiliares de Bibliomalveiras propoñen a lectura destes libros e ver estas películas:
BIBLIOMALVEIRAS NO DÍA DA PAZ
Recomendacións de Bibliomalveiras sobre o tema da paz. Libros, cine e cómics para afondar nel.
http://www.edu.xunta.es/centros/iesmiguelangelgonzalez/system/files/diapaz.avi
IES Miguel A. González Estévez
Bibliomalveiras 