Archivo del sitio

“Tira da Páxina” convida a ler no verán

A profesora Tareixa Escariz, coordinadora do club de lectura do noso centro, presenta as seguintes propostas de lectura, as mesmas que fixeron os membros de Tira da Páxina durante o curso:

 

Para o alumnado da ESO

 

La lección de Agust, de R J Palacios (tralas iniciais ocúltase, como no caso de Rowling, una autora, lectura que gustou moito e fixo reflexionar sobre as dificultades de ser diferente, visto dende a perspectiva de quen a sofre e de quen está do outro lado. Ao mesmo tempo permite poner en cuestión o papel da escola como normalizadora de situacións.

 

O corazón de Xúpiter, de Ledicia Costas, en galego. Deste libro o máis atraínte é que trate temas de actualidade presentando protagonistas adolescentes con problemáticas próximas ás propias. Ao mesmo tempo ofrece a ocasión para pararse a pensar sobre os perigos das redes sociais.

 

Boy ( relatos de infancia), de Roald Dahl, esperta a curiosidade sobre a infancia en xeral, e sobre a biografía do autor en particular.

 

Historia de una gaviota y el gato que le enseñó a volar, de Luis Sepúlveda, é una noveliña deliciosa da que existe una versión de debuxos animados en cuxa produción traballou directamente o autor.

 

Ademais, estando tan recente o 75º aniversario de Miguel Hernández é a escusa perfecta para achegarse á súa poesía ou á súa biografía.

 

 

PARA O ALUMNADO DE MÁIS IDADE

 

La ladrona de libros, de Markus Zusak (en castelán). A historia está situada na segunda guerra mundial e propón moitas referencias á literatura e á lectura. O visionado da pelicula que dirixiu Percival, despois da lectura, anima a confrontar estes dous xeitos de contar a mesma historia.

 

Le Petit Prince, de Antoine de Saint Exupéry. Este clásico da literatura universal pódese ler na versión orixinal en francés ou ler a tradución ao galego de Carlos Casares.

 

O derradeiro libro de Emma Olsen, de Berta Davila (en galego ) Este libro esperta moita curiosidade sobre Emma, invita a perderse dentro do concepto da ficción dentro da ficción.

 

La sonrisa etrusca, de Jose Luis Sampedro. Esta lectura abre ou nutre a curiosidade sobre o italiano e a realidade lingüística de Italia. Ademais, suscita o diálogo entre xeracións aparentemente moi distantes.

Anuncios

Tira da páxina almorza en Bibliomalveiras

Poderíase dicir que o club de lectura “Tira da páxina” dou por clausurado  o presente curso cun almorzo diferente nun espazo diferente. Na mesa pousan os nutrintes do espírito e do estómago e tod@s irradian benestar (por iso a foto ten tanta luz, ou que pensabades!)

almorza Tira da páxina.jpg

No verán farán por separado (ou quen sabe) lecturas comúns.

Van ler unha novela que é unha das novelas máis novelas de todas as novelas Madame Bovary, de Gustave Flaubert.

E á volta das vacacións vannos sorprender con actividades moi atractivas dirixidas a quen nos queiramos deixar seducir un pouquiño.

“TIRA DA PÁXINA” na X Xornada dos Clubs de lectura en Santiago

Antón co club de lectura TIRA DA PÁXINA”

Tal e como estaba previsto, celebrouse o acto de presentación do poemario de Antón Blanco, A oseira, en Bibliomalveiras.

La Voz de Galicia fíxose eco do acto na edición de Arousa cunha nota redactada de modo moi afortunado e certo.

http://www.lavozdegalicia.es/noticia/arousa/2017/04/26/span-langglprimeiro-poemario-anton-blancospan/0003_201704A26C119916.htm

http://www.lavozdegalicia.es/noticia/arousa/2017/04/27/anton-blanco-regresa-carril/0003_201704A27C11996.htm

 

E o Faro de Vigo tamén deu conta do acto

IMG_1660 (2)_LI

Os membros do club de lectura estiveron á altura de tan especial ocasión e formuláronlle a Antón moitas e moi intelixentes cuestións que el foi atendendo con detalle e moita xenerosidade.

Cada membro do club leu cadanseu poema escollido de A oseira, e Antón obsequióunos coa lectura de material poético inédito. Ademais, avanzounos que moi pronto aparecerá parte da súa produción publicada por Galaxia.

Á verdade é que quen tivemos a sorte de asistir (profes e alumnado interesado de 4º e de 1º Bacharelato) aprendemos non só do poeta, senón tamén das reflexións d@s alumn@s do club de lectura TIRA DA PÁXINA.

Esta sesión resultou unha dobre delicia: unha, polo valor intrínseco do tratamento do feito poético, e outra, pola condición dos participantes.

En canto sexa posible, colgaremos o vídeo e transcribiremos a conversa con Antón.

Para o profesorado do instituto de antes e de agora, ocasións coma esta reconfortan moitísimo.

Así que estamos tod@s de noraboa, moi especialmente Parabéns para Tareixa! que coordina con tan boa man o club de lectura, por contarmos con xente nova de probada valía no noso centro.

Graciñas e parabéns, Antón, pola túa colaboración tan cálida e por compartir con nós o teu éxito.

E graciñas e parabéns a Lara, Antía, Nerea, Cristina e Ismael polo seu excelente traballo!

Velaí o vídeo deste acto tan especial

 

ANTÓN BLANCO presenta “A oseira”

Este mércores, 26 de abril de 2016, na 4ª sesión terá lugar a presentación en Bibliomalveiras do primeiro poemario do antigo alumno do instituto Antón Blanco, titulado A oseira . Este acto inscríbese no contexto do MES DAS LETRAS, que desde hai anos no noso instituto se inicia co 23 de abril (día do libro) e abrangue ata o 17 de maio, día das Letras Galegas.

Antón_Blanco_Casás_na_presentación_de_A_oseira_en_Ourense_7-7-2016

A actividade está organizada polo equipo de profes da biblioteca e polos membros do club de lectura TIRA DA PÁXINA en quen recaerá  a maior parte da conducción do acto, coordinados pola súa profesora Tareixa Escariz.

Como asistentes a esta presentación tan especial para o centro, apuntáronse voluntariamente case medio cento de persoas de 4º ESO e 1º de Bacharelato moi interesadas en compartir un rato inesquecible con Antón, para coñecelo mellor e gozar dos seus poemas.

A oseira

O libro xa foi presentado na libraría Espazo Lector Nobel de Vilagarcía (27 de xuño de 2016), na libraría Chan da pólvora, en Compostela (1 de xullo de 2016), en Ourense (7 de xullo de 2016) e en Vigo (28 de setembro de 2016).

Para Bibliomalveiras e para o instituto, como non pode ser doutro xeito, supón unha enorme satisfacción e un orgullo contar cun dos novos potas galegos tan louvado pola crítica, e que por riba foi alumno non hai tanto neste centro.

Antón Blanco Casás resultou distinguido co PREMIO MINERVA DE POESÍA no 2014,  e con tal motivo daquela adicóuselle un acto no que estivo acompañado polos membros do Taller de poesía do instituto, dirixido por Augusto Guedes, ao que el tamén pertencía.

FullSizeRender (5)

Antón constitúe todo un referente de prestixio como persoa, como estudante e como poeta.

“Tira da páxina” con Miguel Hernández

Como o pasado 28 de marzo se cumprían os 75 anos da morte do poeta Miguel Hernández, no club de lectura “Tira da páxina” decidiron rendirlle unha homenaxe singular.

Por unha parte, realizaron unha súa versión dos moitos retratos que existen do poeta.

Miguel Hernández

Por outro lado, puxéronse a ler os seus poemas e escolleron versos para expoñelos sobre o retrato.

Miguel Hernández versos

Con esta iniciativa pretenden ademais reclamar a atención de cantas persoas circulamos polo vestíbulo, cara a biblioteca, cara a cafetería, cara o patio… cara á poesía de Miguel Hernández.

En “Tira da páxina” len O PRINCIPIÑO

img_0623

QUE ANDAN A PINTAR EN “TIRA DA PÁXINA”?

Estes días no club de lectura, ademais de ler, andan a pintar algo. Vede:

E si, quen aquí vexa simplemente un sombreiro… pode ir ao oculista ou á biblioteca buscar que len e que ler.

BO NADAL, BOAS LECTURAS E BOS DESEXOS

 

Desde Bibliomalveiras e Tira da páxina expresamos os nosos mellores desexos para tod@s nestas datas agarimosas do Nadal. Queremos que para vós e para nós o 2017 sexa un ano venturoso, xeneroso, gozoso e fermoso… polo menos.

El pase de diapositivas requiere JavaScript.

Faríanos moita ilusión que ademais reservarades un ratiño de paz para desfrutar lendo un libro ou vendo unha peli. Na biblioteca hainos para todos os gustos e podedes levalos de balde durante as vacacións ás vosas casas. Ademais as películas e mailos libros tamén agradecerían ir de vacación ás vosas casas, e irían de balde tamén porque non comen nin gastan nada.

img_1539

As mozas e mozos do club de lectura e maila súa profe Tareixa seleccionaron algunhas propostas moi interesantes e variadas que presentan dun xeito moi simpático

img_1547

e que atoparedes nos expositores da biblioteca, ou preguntando ás profesoras se non os atopades:

img_1542

Nova andaina para TIRA DA PÁXINA

Este curso a profesora Tareixa Escariz releva a Ana Barral ao frente de varios grupos de rapazas e rapaces da ESO e Bacharelato.

As súas compañeiras do equipo da biblioteca Maika e Águeda elaboraron a carteleiría e as invitacións para as primeiras reunións que xa están a celebrarse, pero calqueira persoa que o desexe aínda está a tempo de contactar.

img_1393

Ademais das xuntanzas nos segundos recreos con frecuencia semanal, quincenal ou mensual, segundo os grupos, haberá quedadas para o xantar con pases de pelis, roteiros e asistencia a funcións teatrais.

detalle-maika