Archivo del sitio

Suxestión de lecturas: Caderniño do club de lectura TIRA DA PÁXINA

O alumnado dos tres grupos do club de lectura TIRA DA PÁXINA foi seleccionando os fragmentos máis interesantes dos libros que se leron neste curso 2018-2019. Con todos, a súa coordinadora fixo este caderniño do que hai unha copia na biblioteca e máis levou o seu exemplar cada integrante do club.

Hai que apuntar que por un erro da edición, non sae un dos libros lidos polo grupo de 1º ESO, xustamente o que máis lles gustou: La emperatriz de los etéreos, de Laura Gallego.

Por unha banda, a elas e eles este documento sérvelles a modo de memoria de peche da andaina; pero, para o resto, pode valer tamén como unha proposta de lecturas estivais.

 

Anuncios

RADIO MALVEIRAS en Bibliomalveiras con TIRA DA PÁXINA

Para pechar por todo o alto (con broche de ouro non, pero con broche doce de tarta  de cumpreanos si) a súa primeira andaina no seu primeiro ano, o fabuloso equipo de Radio Malveiras coa súa profe Susana Suárez gravaron o seu derradeiro podcast deste curso escolar en Bibliomalveiras.

Na súa escaleta gardaron un espazo moi destacado para Xela Cid, a profesora de ciencias (que tanto imos botar de menos porque se xubila), e ao club de lectura TIRA DA PÁXINA e mais á súa coordinadora Pilar Conde.

A mesa de traballo estaba presidida pola fermosa tarta de cumpreanos encargada para ocasión tan especial coa súa veliña e todo. Ao rematar o programa, prendérona e sopraron como manda a cerimonia. Ben seguro que pediron o desexo de continuar unha nova xeira tan exitosa ou máis ca esta inicial tras o verán e que, oxalá, a consellería nos teña en conta na próxima convocatoria da radio na escola porque non so imos insistir en solicitalo outra vez, senón que desta volta xa podemos presentar un historial ben ben bo.

Noraboa a tod@s!!!

É un luxo e un pracer para a biblioteca e para o instituto contar con persoas tan valiosas como vós.

El pase de diapositivas requiere JavaScript.

Última quedada dos martes do club de lectura

Neste derradeiro martes lectivo do curso quedamos a xente do club de lectura para compartir reflexións, falar dos proxectos e comer bica. Iso sí, os membros do club de bacharelato xa non andan polo instituto. Así que só quedaron os grupos de ESO.

A cada membro regalóuselle un caderniño cos seus fragmentos preferidos que seleccionaran dos libros lidos. Queda un exemplar na biblioteca para quen o queira ver.

Agardamos que se sumen novos integrantes para a nova xeira no vindeiro curso.

Á verdade é que non o pasamos nada mal.

OS LÓSTREGOS DO CEIP DO CARRIL EN BIBLIOMALVEIRAS

Despois de ter que aprazar a visita do club de lectura do colexio do Carril pola cicloxénese explosiva que nos visitou algo fóra de temporada o xoves pasado, día 6 de xuño, recibimos a Os lóstregos, a súa profe Regina e máis a Merche en Bibliomalveiras. Xa o adiantamos:

FOI UN ÉXITO ROTUNDO!

QUE BEN O FIXERON!!!!!

Así pois, este venres 14 de xuño, entre as 11.45 e ás 12.45 h. o alumnado de 1º ESO do Club de lectura “Tira da páxina” do IES  do Carril “Miguel Ángel González Estévez” recibiu aos membros do club de lectura “Os lóstregos” do colexio CEIP PLURILINGÜE “ROSALÍA DE CASTRO” tamén do Carril. Tamén participou como público parte do alumnado de 1º ESO.

Este acto inscríbese na modalidade de lecturas compartidas desenvolvidas por cada un dos dous clubs de lectura. Pero ademais de promocionar e premiar o gusto pola lectura, o profesorado implicado nesta colaboración pretende reforzar a relación entre o alumnado e o profesorado de ambos os dous centros, toda vez que este colexio de Infantil e Primaria está adscrito a este instituto. Daquela, pódese considerar que os membros do club de lectura “Os lóstregos” que cursan 6º de Primaria, realizaron a súa primeira actividade na biblioteca do que nuns meses vai ser o seu novo centro de ensino secundario.

O club de lectura “Os lóstregos” do colexio “ROSALÍA DE CASTRO” botou a andar no ano 2017 e os seus integrantes actuais coordinados pola profesora responsable deste club, Regina Álvarez Barreiro, son Antía, Martina, Lucía, Lara, Hana, Alexandra, Fátima, Javi Torres, Javi Castro, Jairo, Félix, Dani, Sofía e Ainhoa.

Pola súa banda, o Club de lectura “Tira da páxina” xa cumpriu os 10 anos de existencia e neste curso conta con tres grupos de alumnado, un de Bacharelato, outro de 2º e 3º de ESO  e este de 1º ESO a quen lle tocou facer de anfitrión para os rapaces e rapazas que a bo seguro se converterán en colegas á volta do verán.

Esta colaboración entre os dous clubs de lectura nace coa intención de medrar no tempo e de feito xa hai programadas novas actividades para o vindeiro curso escolar.

El pase de diapositivas requiere JavaScript.

 

No blog da biblioteca do colexio do Carril tamén fixeron unha entrada e colgaron un vídeo da actividade:

http://abibliotecadepanchoeflora.blogspot.com/

TIRA DA PÁXINA en MARZO SEN FRONTEIRAS

Este ano por vez primeira, o grupo de Bacharelato e 2º da ESO do club de lectura participou nas actividades de MARZO SEN FRONTEIRAS, que organizado polo alumnado do ciclo superior do noso centro se celebrou por 5º ano durante a mañá do mércores, 27, nas instalacións de FEXDEGA.

Esta colaboración de TIRA DA PÁXINA inscríbese dentro da iniciativa de lecturas compartidas e inclusivas que arrancou neste ano ( a primeira fíxose cos maiores da Residencia “Divina Pastora”) e que de seguro vaise continuar no futuro, porque este traballo tan valioso enriquece moito máis ao alumnado do club de lectura que o alumnado discapacitado para quen ía dirixido.

Coa profe coordinadora do club de lectura, Pilar Conde, prepararon lecturas con amplas ilustracións e pouco texto reforzadas con pictogramas, pequenos contos tradicionais do mundo (pois a temática deste ano no MARZO SEN FRONTEIRAS eran os continentes), adiviñas e cancións.

Noraboa rapazas e rapaces polo traballo ben feito, pola empatía e pola vosa entrega!

 

El pase de diapositivas requiere JavaScript.

https://www.canalriasbaixas.com/2019/03/27/os-comites-de-empresa-de-ence-sentese-enganados-e-mobilizaranse-2/

Percorrendo o roteiro da novela RESISTENCIA de Rosa Aneiros

9788483029251

Unha parte importante do alumnado de 2º de Bacharelato e máis o grupo de maiores do club de lectura TIRA DA PÁXINA tiveron o pracer de percorrer un roteiro científico-literario centrado na fabulosa novela de Rosa Aneiros titulada Resistencia.

3f665c00-5cd5-437c-b7af-6cba1809eefc(1).JPG

Ao parecer, o sol de principios de febreiro non se podía aturar nin sendo tan divinas nin nada…

image1(1).png

O roteiro e máis a viaxe foron planeados polas profes Tareixa Escariz, Xela Cid e Pilar Conde.

 

 

 

Entre outros lugares visitaron a marabillosa Biblioteca Joaninha da Universidade de Coímbra; a fortaleza de Peniche, onde transcorre unha parte importante da trama narrativa; o Penedo de San Pedro de Moel, onde quixeron pescar un robalo como Dinis, pero o mar bravo non estaba polo labor; o Museo do Vidro, antes a fábrica de vidro dos irmáns Stephens…

 

25 de abril na honra de Tareixa

Tareixa Escariz, profesora que coordina o club de lectura recibíu un bonito agasallo que consistiu nun acto de cariño e recoñecemento organizado por un amplo consunto do seu alumnado e colegas docentes.

Os membros do de Tira da Páxina realizaron a lectura de pezas escollidas por cada un del@s entresacadas dos libros que leron ao longo deste curso e entregáronlle un libriño que as contiña e mais unha caixiña con tarxetas que cada quen lle adicou á profesora.

Outro grupo do seu alumnado interpretoulle unha peza cantada en francés e finalmente foi obsequiada cun fermoso ramo de flores.

A celebraión foi moi concorrida a pesar das limitacións impostas polo horario e polo aforo da biblioteca.

 

 

El pase de diapositivas requiere JavaScript.

Por suposto, o alumnado de 2º de Bacharelato do grupo B, a titoría de Tareixa, tamén a acompañou neste emotivo acto e, aínda que non fixeron foto de grupo na biblio, engadimos esta que realizaron fóra, diante do pabellón grande uns días despois

843a2dbf-09c2-4a63-9a05-5855d1cdebc7.JPG

TIRA DA PÁXINA ESTÁ A LER…

 

tIRA DA PÁXINA FEBREIRO

Brooklyn Follies

Paul Auster

1142340534COLO_003

O autor da Triloxía de Nova York, galardoado en 2006 co Premio Príncipe de Asturias das Letras, sorprende outra volta cunha novela na que conxuga brillantez, humor e axilidade narrativa.

Algúns dos grandes mitos da cultura norteamericana, entre eles a liberdade de escoller o propio destino e a capacidade para xurdir logo do fracaso, constitúen o pano de fondo desta novela na que Auster artella a narración arredor dun mangado de personaxes trazados dun xeito extraordinariamente vívido e veraz.

Brooklyn Follies é unha novela chea de sopresas, na que a carón da cidade de Nova York aparecen os Estados Unidos do fanatismo relixioso e o mundo idílico da sociedade rural como dúas caras da mesma moeda.

Coma no resto da súa obra, Auster xoga coas referencias literarias e co valor da literatura para redimir as persoas. Natham Glass, o protagonista, non só atopa en Brooklyn un refuxio, alí volve a atopar o que daba por perdido: a emoción da amizade, a emoción do amor e a capacidade de reinventarse a si mesmo.

Unha novela que explora as encrucilladas da vida, os puntos de inflexión nos que aínda é posible recuperar a liberdade e desmentir o destino.

auster

Auster, Paul
Paul Auster (Nova Jersey, 1947) é un dos máis prestixiosos escritores norteamericanos actuais. Autor de novelas, ensaios, poesía, guións e películas de cine, a súa obra é lida en todo o mundo. Entre as súas novelas máis coñecidas pódense citar a Triloxía de Nova York (1985-86), Moon Palace (1989), Leviathan (1992), Mr Vertigo (1994), The Book of Ilusions (2002), Brooklyn Follies (2006), Viaxes no scriptorium (2007), o guión da película A vida interior de Martin Frost (2007), Un home na escuridade (2008), Invisible (2009) e Sunset Park (2010), estes seis últimos títulos publicados en galego por Galaxia, que desde 2006 edita a obra de Auster en Galicia. En 2006 foi galardoado co Premio Príncipe de Asturias das Letras.

http://editorialgalaxia.gal/produto/brooklyn-follies/

 

GUARDIÁN INVISIBLE.jpg

«Ainhoa Elizasu fue la segunda víctima del basajaun, aunque entonces la prensa todavía no lo llamaba así. Fue un poco más tarde cuando trascendió que alrededor de los cadáveres aparecían pelos de animal, restos de piel y rastros dudosamente humanos, unidos a una especie de fúnebre ceremonia de purificación. Una fuerza maligna, telúrica y ancestral parecía haber marcado los cuerpos de aquellas casi niñas con la ropa rasgada, el vello púbico rasurado y las manos dispuestas en actitud virginal.»

En los márgenes del río Baztan, en el valle de Navarra, aparece el cuerpo desnudo de una adolescente en unas circunstancias que lo ponen en relación con un asesinato ocurrido en los alrededores un mes atrás.

La inspectora de la sección de homicidios de la Policía Foral, Amaia Salazar, será la encargada de dirigir una investigación que la llevará devuelta a Elizondo, una pequeña población de donde es originaria y de la que ha tratado dehuir toda su vida. Enfrentada con las cada vez más complicadas derivaciones del caso y con sus propios fantasmas familiares, la investigación de Amaia es una carrera contrarreloj para dar con un asesino que puede mostrar el rostro más aterrador de una realidad brutal al tiempo que convocar a los seres más inquietantes de las leyendas del Norte.

dolores-redondo-6-mqmo4z4qpuaba9hm4x21csrvbaw83ncrgbpnn2oub4

 

http://www.doloresredondo.com/novelas/el-guardian-invisible/

http://www.doloresredondo.com/

“TIRA DA PÁXINA” EN NADAL

Os membros do club de lectura quedaron outra vez a xantar no instituto o martes 19 de decembro

tira da páxina nadal

Estiveron a organizar aspectos do seu proxecto xa bastante avanzado de booktuber, acordando prazos para a lectura das novas propostas e realizando un novo cartel moi inspirador

tira da páxina cartel nadal.JPG

Unha parte do club de lectura vai ler

brooklyn follies

E o resto das persoas van ler manga.

TIRA DA PÁXINA le, fala, planea e xanta

O pasado martes a profe de Economía, Ana Limeres, na hora do xantar fíxolles esta foto aos membros do club de lectura que coa súa profe Tareixa Escariz preferiron xuntarse fóra, no porche, para ler, falar, planear e xantar.

Desde que participaron na xornada de convivencia dos clubes de lectura do pasado xuño andan na teima de facérense booktubers. E os seus proxectos xa están a piques de materializarse. Así que moi pronto poderemos ver os seus vídeos falando de dous libros moi especiales para el@s.

COMENDO O MARTES 31-10