Archivo del sitio
VELORIO NO SAMAÍN
Un grupo de 2º de Bacharelato C (algunhas persoas son membros do club de lectura) realizou unha parodia dos velorios de antes, a onde se arrimaban as choronas para «pillar algo» cando non eran contratadas xa adrede polas familias dos finados.
A «defuntiña» é unha simpática boneca prestada pola profe de Matemáticas, Lucía López Lamas.
Só queda transmitirlles agradecementos e parabéns a partes iguais.
Última quedada para ler e xantar do club de lectura TIRA DA PÁXINA
Este derradeiro martes lectivo do curso que remata, a xente máis nova do club de lectura TIRA DA PÁXINA (Mar, Aroa, Noa e Mateo) quedou a xantar e ler coas profes. Para a ocasión convidamos a Pilar Conde que se xubilou hai uns meses deixando tan ben artellado o club de lectura nas axeitadas mans de Inma como tan ben o levara nos anos anteriores.
En setembro, Inma poñerá de novo en marcha os motores da lectura con varias iniciativas moi interesantes.
Boas lecturas estivais!!!
Carapuchiña, de Bonäí Capote.
Para reflexionar a propósito das violencias machistas, no centro acordouse traballar este conto e desmontar o relato orixinal da Carapuchiña vermella.
O club de lectura TIRA DA PÁXINA tivo a ben facer esta achega gravando a lectura da peza.
Moitas gracias mozas!!!