Archivo de la categoría: malveiradas

Acto de recepción do freixo e inauguración das novas placas identificadoras das árbores.

Tal e como estaba previsto, o martes 12 no segundo recreo, procedeuse a celebrar este acto tan entrañable para o que quixo actuar como mestra de ceremonias unha das profesoras que máis tempo leva traballando no instituto, Esther Dasilva.

 

El pase de diapositivas requiere JavaScript.

Tras o saúdo inicial, lembrounos que hai uns anos, poucos, o Equipo da Biblioteca e o departamento de Bioloxía e Xeoloxía, en colaboración con outros departamentos, decidiron recoller nun libro O Espazo Verde do IES Carril, que atoparedes en versión electrónica neste mesmo blog, todas as especies arbóreas e arbustivas que hai no Centro.

Contounos que cando se inaugurou o instituto xa contaba co carballo, que aparece no escudo, e mais os chopos -situados ao lado da cancha de baloncesto-… E que posteriormente se plantaron os castiñeiros,  situados ao lado da  pista deportiva onde se xoga ao fútbol,  traídos do seu eido do Carballiño polo profesor, xa xubilado, Luis Álvarez que ven sendo o pai do profe de mates Ulpiano.

A todo iso dixo que compría engadir o carballo que plantou Chouza coa colaboración de Artiaga e mais o arce doado por Teresa, cando se xubilaron respectivamente nos últimos anos.

E agora temos unha árbore máis, o freixo doado por Xela, que, como sabedes, tamén  está a piques de xubilarse. Este é o seu derradeiro ano na docencia.

Neste acto tamén se procedeu á inauguración de novas placas identificativas das árbores.

A continuación, tomou a palabra a nosa directora, Rosa Gómez, que recibeu oficialmente o freixo en nome de toda a comunidade educativa e salientou o esforzo de quen se encarga ao longo de moitos recreos na bibliotecas de confeccionar as placas identificadoras das árbores.

Logo foron lidos tres pezas literarias a cargo dunha profesora do equipo da biblioteca e das dúas profesoras compañeiras de departamento de Xela:

  • Pilar Conde: “Metáfora da ambiçao” de Francisco Manuel Melo.
  • Pili Capeáns: “El fresno” de María Filgueira García.
  • Paquita Barreira: “O carro”, de Manuel María.

de seguido escoitamos a Partita n.º 2 de Bach titulada “Sarabande”, interpretada ao violín por Helena Rodríguez, alumna de 2º de Bacharelato.

 

Pechou o acto, como non, Xela Cid quen con sabias palabras fixo un repaso agarimoso a tantos esforzos colectivos de antes e de agora, explicou por que elixíu un freixo e confesounos que ao mesmo tempo que a súa árbore pequena vaise arraigando no noso centro afacéndose a vivir entre nós e con nós, ela está a prepararse para vivir unha nova etapa vital emprendendo un camiño en sentido inverso ao do freixiño.

E ben seguro que lles vai ir de marabilla a Xela e a árbore de Xela.

No vestíbulo da entrada principal do instituto, a mesma xela preparou este fermoso mural no que se recollen imaxes e textos que fan alusión á preparaciéon deste acto.

 

 

Anuncios

Recepción do freixo de Xela o 12 de marzo

O espazo verde do IES Carril (está colgada neste blog a súa versión electrónica)  foi editado neste centro no ano 2016 para reflectir un longo proceso que, desde o ano 1994, transformou o solar no que se edificaron as instalación do instituto nun fermoso, diverso e acolledor espazo verde. Nos últimos tres anos chegaron novas incorporacións que non están recollidas, claro está, no noso libro: un carballiño, unha fotinia, un arce.

 

Desta volta tocounos un freixo que regala Xela Cid no seu derradeiro curso antes de se xubilar. E como había que plantalo en tempo, plantouse xa na primeira semana de febreiro. Vaia, que o plantaron entre Xela e mais un grupiño de 1º ESO capitaneados por Kevin e David, quen ademais se encargan con tesón de realizar os rótulos identificadores das árbores deseñados por Maica Fernández, e máis axudan ao profe Xosé Manuel Longo a colocalos despois no seu emprazamento correspondente.

 

Este vindeiro día 12 de marzo, no segundo recreo, celebrarase a recepción oficial do novo exemplar, se o tempo climatolóxico non se pon moi bravo, na parte traseira a onde dan as ventás dos despachos de dirección e máis as da aula de volume. Estades tod@s convidad@s.

bb9dd0bf-a211-478a-b942-4f9f8d976acf

CARA AO 8 DE MARZO

Lecturas propostas, entre outras dos fondos da biblio, para encarar con fundamento e xeito este vindeiro 8 de maio:

IMG_8202.jpg

DÍA DE ROSALÍA

PEIXES NUN MAR DE ARTE

Desde a primeira semana deste mes hai aberto un concurso de peixes.

Organizouno Maika Fernández e consiste en descubrir en que cadros de artistas moi relevantes están inspirados estes peixes creados polo alumnado de Plástica de 4º ESO: Ainhoa Abalo, Noelia Caldas, Julia Rodríguez, Carmen Romero, Starling Valdez, Caio Carriel, Nerea Daponte, Noa Fernández, Adrián Loroño, Raúl Parracho, Edén Rodríguez, Laura Treus, Elías Villarroel.

El pase de diapositivas requiere JavaScript.

Interpretan nas láminas a Van Gogh, Seurat, Picasso, Escher, Klimt, Max Ernst, Renoir, Miró, Vasarely, Paul Klee, Dalí, Basquiat e Magritte. Por esa orde.

E como non podía ser doutro xeiro, o premio é… un bote de peixiños para deleitarse saboreándoos.

IMG_7911.jpg

ARTE E POESÍA. POESÍA E ARTE

Cartel_Bibliotecas_Escolares__8-19web_2

Na liña do lema marcado para as bibliotecas escolares deste curso, o alumnado do Bacharelato Artístico elaboraron estas fermosas propostas coordinados por Maika, que é a súa profe e membro do equipo da biblioteca.

 

Esta interesante exposición atópase no último tramo das escaleiras que arrancan detrás da cafetería.

 

El pase de diapositivas requiere JavaScript.

O freixo no ESPAZO VERDE DO IES CARRIL

Pouco a pouco vai habendo novas incorporacións no ESPAZO VERDE DO IES CARRIL que non están recollidas, claro está, no noso libro co mesmo título.

Desta volta tocounos un freixo que regala Xela Cid. E como había que plantalo en tempo, plantouse. Vaia, que o plantaron entre Xela e mais un grupiño de 1º ESO capitaneados por Kevin e David, quen ademais se encargan con tesón de realizar os rótulos identificadores das árbores.

Pero o vindeiro día 12 de marzo celebrarase a recepción oficial do novo exemplar. Estades tod@s convidad@s.

Mil non, pero varios centos si

IMG_7739

Acadamos un número excelente de grullas. A bandada ís medrando pouco a pouco.

 

Sobre todo, cómpre agradecer ao alumnado de 1º ESO o éxito. Pero moitos outros grupos tamén colaboraron. E tampouco imos esquecer a implicación do profesorado.

Hai que destacar ao profe de mates, Víctor Castrillón Cimadevila, pois non so lle ensinou ao seu alumnado a confeccionar grullas, senón que el se encargou de realizar a grulla máis grnde e máis pequechiña de todas.

IMG_7806

IMG_7805

E así lucen todas as fermosas grullas de cores nunha escultura efímera colgante sobre o acdeso á porta de Bibliomalveiras.

Esta bandada de grullas da paz resultaron ser aves migratorias e xa atoparon un novo destino no MARZO SEN FRONTEIRAS que organiza o alumnado do ciclo superior que se celebrará no pavillón de FEXDEGA o vindeiro 27 de marzo.

Día da paz no 2019

Xusto dentro dunha semana estaremos a celebrar un novo DÍA ESCOLAR POLA PAZ E CONTRA A VIOLENCIA. Cada 30 de xaneiro rememórase así o aniversario da morte de Mahatma Gandhi de tal xeito que tendo presente a este gran personaxe tamén se poñen en valor os principios e valores que el defendeu de modo pacifista.

Desde Bibliomalveiras propoñemos unha serie de recursos relacionados con esta efeméride e cos contidos que representa. Pero tamén queremos achegar a quen pase polo corredor de acceso os principais símbolos da paz, o seu significado e maila súa pequena historia.

img_7747

img_7751.jpg

IMG_7741.jpg

img_7744

img_7746

Pero ademais, convidámosvos a facer unha chea de grullas de pael de diversas cores:

CHARLA SOBRE PAXAROS

Como colofón á 3ª Semana da Ciencia (que comezara na derradeira semana de novembro e que nun principio non se contaba con que se fora estender ata rematar o trimestre)

, regresou de novo ao centro Manolo Rodríguez Mallo para impartir unha charla centrada nos paxaros islustrada de fermosísimas fotografías da súa autoría.