Archivo de la categoría: malveiradas

17 DE MAIO: LL GG 20 20

PHOTO-2020-05-17-12-28-16

Hoxe celebramos o día das LETRAS GALEGAS, porque en tal data do ano de 1863 Rosalía de Castro publicara o seu famosísimo poemario Cantares Gallegos. Malia o título que ía en castelán, era a primeira vez que se editaba un libro (tal e como nós os coñecemos) na lingua galega.

A miúdo esquecemos que isto resultou unha proeza dobre, xa que non só nunca antes se publicara ningún libro en galego, senón que ademais a primeira persoa que acadou este fito histórico foi unha muller.

E non vaiades pensar que era fácil daquela escribir en galego e publicar. Tras tantos séculos escuros desde os marabillosos tempos da lírica medieval, a lingua galega sufría un horrible desprestixio cultural e basicamente era considerada polas clases superiores e ilustradas como unha lingua exclusiva do pobo, é dicir, unha lingua cativa das xentes máis humildes. Pero, por iso mesmo, hai que valorar moitísimo que foran precisamente as xentes humildes as que acadaron mantela viva a pesar do abandono, cando non prohibición, das autoridades e das élites.

No centenario dese primeiro libro de Rosalía, en 1963, a Real Academia Galega instituíu esta efemérides que hoxe celebramos para honrar a figuras destacadas na defensa da lingua e da cultura escrita en galego.

O primeiro ano, ¡como tiña que ser!, a persoa elixida foi a propia Rosalía de Castro. E ao ano seguinte, tocoulle a Castelao, ¡como non!

A lista foise engrosando a modiño, aínda que cómpre criticar que en total so foron honradas ata ao de agora catro mulleres. Iso si, para que alguén poida incorporarse a este listado de honra, ten que morrer primeiro e deixar transcorrer alomenos dez anos do seu pasamento.

dsBuffer.bmp

Programa sobre Carvalho Calero na TVG

 

 

 

 

123 Preguntas sobre el coronavirus

Neste tempo de coronavirus, é algo moi de agradecer a cantidade de xente xenerosa que pon de balde ao noso alcance o seu valioso traballo. Este é o caso dun libro moi fácil de ler ou consultar sobre o coronavirus titulado 123 Preguntas sobre el coronavirus, que se pode descargar moi fácilmente.

Marián García, máis coñecida como Boticaria García, é doutora en Farmacia, graduada en Nutrición Humana e Dietética e en Óptica e Optometría. Compaxina a docencia no Grado de Nutrición da Universidade Isabel I cun intenso labor de divulgación sanitaria en medios de comunicación e redes sociais.

É colaboradora habitual en Zapeando (La Sexta) e anteriormente traballou nos programas Saber vivir (La 1), Xa é mediodía (Telecinco) e Órbita Laika (La 2). En radio colabora semanalmente en RNE no programa de Pepa Fernández De cabo a cabo. En prensa é columnista no suplemento «Papel» do xornal El Mundo.

Defensora da divulgación a través de Internet, suma máis de 200.000 seguidores en redes sociais. O seu blog, con máis de dous millóns de visitas mensuais, obtivo o premio 20 Blogs ao mellor blog de España outorgado polo xornal 20 Minutos. En 2018 recibiu o premio ACES (Asociación de Cadeas Españolas de Supermercados) ao mellor labor de información en redes sociais e o premio eHealth Awards 2018 á «Cazabulos do ano».

Fonte: laesfera@esferalibros.com

Tamén ten unha canle en YouTube.

Publicou estes libros: El paciente impaciente y otras anécdotas // El moco radiactivo. Y otros desvelos de padres primerizos // El jamón de York no existe. La guía para comprar saludable y descubrir los secretos del supermercado

Boticariagarcía

Descarga de balde do libro

No día do libro, honramos a Luis Sepúlveda

O grupo de profes da biblioteca, quixemos organizar un pequeno audiolibro para colgalo neste blog, sen maior pretensión que estimular o gusto pola lectura aproveitando a ocasión do 23 de abril, día do libro.

Así que algunhas de nós apuntámonos á tarefa e convidamos a outras profes do instituto ás que lles apetecía participar.

 

Sepúlveda

Dáse a desafortunada circunstancia de que Luis Sepúlveda, o afamado autor chileno que vivía en Xixón, foi a primeira vítima do coronavirus en Asturias (pillouno nun congreso de escritores en Póvoa de Varzim) e tras loitar durante 40 días, finou o 16 deste mes de abril.

Sin título
Na súa memoria gravamos a lectura por capítulos da primeira metade da última obra deste escritor, publicada o ano pasado, e que se titula HISTORIA DE UNA BALLENA BLANCA. Trátase dun libro curto de 14 capítulos de ton naturalista e que claramente nos evoca MOBY DICK, de cuxo autor Herman Melville se cumprían douscentos anos do seu nacemento no ano pasado 2019.

 

Ademais, aínda que sexa no seu nome propio, podemos proxectalo á memoria de tantas vítimas anónimas desta noxenta pandemia que nos retén en confinamento.

Pretendemos que tomedes este pequeno audiolibro como un agasallo para vós, unha invitación máis a que leades e tamén como unha declaración de admiración por Luis Sepúlveda.

Convidamos a que busquedes o libro e leades en por vós os capítulos restantes, aínda que hai outras excelentes obras de Sepúlveda moi fáciles e atractivas.

Lembrade que en dúas entradas recentes deste blog, atoparedes varias canles para ler en liña e de balde.

As profes que participamos neste gratísimo enredo somos Pilar, Iria e a nosa queridísima profe emérita Tareixa (L. Galego), Marta (E.F.), Rosa e Matilde (Fr.) e Manuela (L.Castelá). Non poñemos os nomes en orde segundo os capítulos lidos, para ver se adiviñades pola voz antes do segundo segundo de cada gravación.

Lémosvos, pois, os primeiros sete capítulos, cada un leva arredor de 3 minutos.

Non seredes quen de ler os outros 7 que faltan?

lista

<a href=”https://www.ivoox.com/capitulo-1-audios-mp3_rf_50330177_1.html&#8221; title=”Capítulo 1″>Ir a descargar</a>

<a href=”https://www.ivoox.com/capitulo-2-audios-mp3_rf_50330793_1.html&#8221; title=”Capítulo 2″>Ir a descargar</a>

<a href=”https://www.ivoox.com/capitulo-3-audios-mp3_rf_50329559_1.html&#8221; title=”Capítulo 3″>Ir a descargar</a>

<a href=”https://www.ivoox.com/capitulo-4-audios-mp3_rf_50329326_1.html&#8221; title=”Capítulo 4″>Ir a descargar</a>

<a href=”https://www.ivoox.com/capitulo-5-audios-mp3_rf_50328416_1.html&#8221; title=”Capítulo 5″>Ir a descargar</a>

<a href=”https://www.ivoox.com/capitulo-6-audios-mp3_rf_50328888_1.html&#8221; title=”Capítulo 6″>Ir a descargar</a>

<a href=”https://www.ivoox.com/capitulo-7-audios-mp3_rf_50329081_1.html&#8221; title=”Capítulo 7″>Ir a descargar</a>

 

 

Máis opcións para ler en liña

A primeira opción é a que xa se presentaba nunha entrada anterior na plataforma GALICIA LE á que agora podes acceder aínda sen ter carné das bibliotecas públicas.

Galicia le

Rexístrate coas claves que recibas e cando remate a corentena, terás 30 días para achegarte á biblioteca a solicitar o carné.

GALICIA LE sen carné das bibliotecas públicas

A continuación incorporamos valiosísima información aportada pola  biblioteca do IES de Salvaterra de Miño

https://iessalvabiblio.wordpress.com/2020/04/01/lectura-dixital-gratuita/

 

BIBLIOTECAS DE ORGANISMOS OFICIAIS:

GaliciaLe. Plataforma do libro electrónico da biblioteca públicas galegas onde atoparás obras en formato dixital de temáticas diversas (ficción, informática, historia, lecer etc.) . Permite rexistrarse sen carné da biblioteca durante o estado de alarma polo COVID-19

Biblioteca Dixital de Galicia (Galiciana). Galiciana ten por obxectivo preservar e difundir de maneira virtual o rico patrimonio documental e bibliográfico galego. O apartado de clásicos da literatura galega, presenta 30 clásicos de varios autores.

Biblioteca Virtual da Real Academia Galega. Biblioteca da R.A.G. dedicada a autoras e autores galegos especializada na área das humanidades e, sobre todo, nos campos da historia, folclore, literatura e lingua de Galicia.

Bivir: Biblioteca Virtual da Literatura Universal en Galego. Biblioteca sobre literatura universal en galego impulsada pola Asociación de Tradutores Galegos ( ATG).

Páxina Lg-3 de culturagalega.gal do Consello da Cultura Galega. Coa posibilidade de descargar varios títulos.

Biblioteca virtual Miguel de Cervantes. Permite o acceso de balde aos títulos da biblioteca virtual, nos seus portais de literatura española, americana, letras galegas…

Biblioteca nacional. Ten un portal libre e gratuito dos documentos dixitalizados da biblioteca.

Proyecto Gutenberg. Permite o acceso á máis de 40.000 títulos de libros de dominio público libres de dereitos.

PÁXINAS DE DESCARGA GRATUITAS

Libro Total: literatura clásica e non tan clásica en formato dixital. Inclúe audio-libros, guías de lectura, comentarios, fotografías….

Bubok. É unha web onde os autores poden autopublicar o seu libro e polo a disposición dos lectores. Algúns son gratuítos. Conta con títulos en galego.

Feedbooks. No apartado de Dominio público ofrece libros libres de dereitos e orixinais gratuítos.

23 de abril. DÍA DO LIBRO

día do libro 1DÍA DO LIBRO 2

PARTICIPANTES NA CONVOCATORIA DE VÍDEOS CREATIVOS

Faise obrigado crear unha entrada nova para mostrar os vídeos que participan na nosa convocatoria, xa que na entrada orixinal puxemos varios como referencias e non procede mesturar.

Moitísimas grazas pola vosa acollida. Hai unha chea de visitas á entrada da convocatoria.

E fainos moi felices publicar a primeira participación de Lara Melio, de 2º de Bacharelato C.

Noraboa, Lara!!!

 

 

Sara Lago e Iria Rodríguez, alumnas de 2º ESO do club de lectura TIRA DA PÁXINA, envían outro vídeo creativo basado nunha idea propia. Moitísimas grazas, rapazas. Quedou chulísimo.

Noraboa tamén a vós!

 

 

Seguimos en racha, o seguinte vídeo que subimos chegounos de Francia, bien sûr, porque alí está a nosa alumna do curso pasado Xaxa Rial, quen con coleguitas do noso centro de 2º de Bacharelato e outras persoas enredaron neste precioso e refrescante, moi refrescante vídeo. Moitas gracias por participar.

¡Noraboa!

 

 

Pois, pouco a pouco, a cousa vaise animando ben. Neste caso, hoxe envíanos a súa aportación a profe de Educación Física, Marta Taboada, quen acompañada pola súa filla Noa crearon una historia a partir dunha serie de libros infantiles. A súa proposta titúlase “Un cuento, una sorpresa”

 

Pois chegounos un vídeo moi colaborativo novo agora en maio. Envíao Judith Iglesias no nome dun grupo festeiro de alumnado de 2º de Bacharelato B ao que tamén ela pertenece: Carolina Conde, Moana Varela, Iago Zurita, Andrea Oliveira, Silvana Pereira, Miguel Filgueira, Federico Loureiro, Micaela López, Tanya Barcala, Juan Castro, Carla Castro, María Caeiro, Laura Costa e Adrián Abad.

Moitas grazas, mozas e mozos.

E noraboa, tamén para vós.

 

 

 

 

 

 

 

 

Convocatoria de vídeos creativos

Desde o equipo de profes de Bibliomalveiras lanzamos unha convocatoria de vídeos creativos producidos en por vós e na casa, a partir de ideas orixinais, propias e inéditas cunha certa perspectiva artística.

Podedes participar a título individual ou en equipo. E dadas as circunstancias, serán moi ben acollidas as intervencións das familias, veciñanza e ¡como non! das vosas mascotas.

Por exemplo, poderiades crear vídeopoemas, vídeoadiviñas, vídeocontos, vídeobandadeseñada, vídeos narrativos exclusivamente con imaxes…

As propostas poden xirar arredor do confinamento e o COVID 19, das teletarefas, das notas da segunda avaliación… ou do que máis vos preste a vós.

É importante non esquecer que se non cumpristes 18 anos, precisades a autorización das vosas familias para difundir as vosas imaxes e identidades. Sempre podedes prescindir de vos gravar. Non tedes por que saír en pantalla, nin sequera gravar a vosa voz. Aínda que, se queredes e a familia volo permite, podedes gravarvos sen mostrar o rostro ou dando a cara.

O vídeo tedes que editalo vós e non ha ser moi extenso. Xa sabedes que resulta mellor poñer unha pinga doce nos labios que fartar a rebentar.

Cando teñades a peza editada, lembrade poñerlle un cartón iniciala co título e a autoría (é dicir, os nomes de quen participou creando a idea, gravando, posando, intervindo, editando…) mandarédela por https://wetransfer.com/ a bibliodasmalveiras@gmail.com

É a cousa máis faciliña do mundo. Aparece unha primeira páxina onde che di que te rexistres ou que te abones. Simplemente pechas a ventaniña e aparece isto:

wetransfer

 

Necesitamos que a persoa que manda o vídeo teña unha conta de correo calquera, porque valen todas . É capaz de enviar arquivos super pesados de ata 2 gigas!

A ver, ¿quen se anima?

Os traballos que enviedes serán publicados aquí para compartilos con todo o mundo que queira acceder ao blog.

Aquí vos deixamos uns exemplos que circulan desde antes ou nestes días nas redes sociais e que poden servir como referencia

Vídeo-lector@s para o confinamento

Ben, como estamos de vacacións de Semana Santa ou algo así, Pilar, a coordinadora do club de lectura TIRA DA PÁXINA e máis Miguel e Manuela que colaboran con ela, propuxemos unha actividade máis ben lúdica, algo festeira se queredes, e que resulte estimulante, ao alumnado dos diversos grupos a partir de 2º ESO .

Como sabedes, nestes estraños días de confinamento estanse a producir nas casas excelentes pezas. Así que aí lanzamos o noso propio reto, sabedores de que ninguén mellor que estes rapaces e rapazas do club de lectura para regalar un pouquiño de literatura á xente do instituto do Carril, ás nosas familias e amizades e ao mundo en xeral.

O proxecto consiste en que individualmente ou agrupándose como poidan e gusten, escollan un texto breve da tradición oral ou dalgunha escritora ou escritor coñecido ou mesmo anónimo e se graven en vídeo léndoo, recitándoo, rapeándoo, cantándoo ou contándoo ao seu xeito.

A condición básica é compartir o título do texto e máis a súa orixe, é dicir, quen o escribíu e onde se pode atopar (libro, disco, páxina web…)

As intervencións hanse facer en galego porque ese é o compromiso do club de lectura coa consellería, porque o instituto é da Xunta de Galicia e, sobre todo, porque a nosa lingua é o noso tesouro.

Iremos colgando o que se vaia producindo.

 

 

 

GALICIA LE: PLATAFORMA DAS BIBLIOTECAS DE GALICIA

Para poder utilizar gratuitamente un número impresionante de recursos, basicamente libros en galego ou en castelán pero tamén vídeos, so necesitades formalizar un rexistro co voso DNI.

 

 

Radio Malveiras: 2019-20

Retomouse a actividade do proxecto da nosa radio escolar RADIO MALVEIRAS, cun grupiño de alumnas e alumnos de ESO no seu espazo xa consolidado nunha pequena sala moi xeitosiña ao lado da biblioteca. Nos seus programas o contido céntrase en diferentes aspectos do currículo, nas efemérides ao longo do curso e na comunidade educativa. Durante o primeiro trimestre as sesións de traballo fixéronse na hora do xantar dos martes antes das clases da tarde, pero no seguinte trimestre as xuntanzas pasaron a efectuarse en dous recreos por semana.

Estes son os podcast dos dous programas de radio producidos polo equipo de Radio Malveiras neste curso coordinados por Begoña Barcala Somoza.

  • Programa nº 1

<a href=”https://www.ivoox.com/radio-malveiras-curso-2019-20-programa-1-audios-mp3_rf_48983091_1.html&#8221; title=”Radio_Malveiras_curso_2019_20 programa 1″>Ir a descargar</a>

  • Programa nº 2

<a href=”https://www.ivoox.com/radio-malveiras-curso-2019-20-programa-2-audios-mp3_rf_48983248_1.html&#8221; title=”Radio_Malveiras_curso_2019_20 programa 2″>Ir a descargar</a>