Archivo de la categoría: vós

I Mesa Redonda: Mulleres nas Artes Escénicas en Galicia

I Mesa Redonda: Mulleres nas Artes Escénicas en Galicia

O alumnado que cursa a asignatura de Artes Escénicas e o de primeiro de Bacharelato de Artes participou hoxe a última hora da mañá nunha mesa redonda na Biblioteca. A responsabilidade de artellar a estrutura do acto e conducilo correu a cargo de Susana Suárez, profe de Artes Escénicas, e Iria López, Borja Castro e Sabela Caneda que cursan esta materia en 2º de Bacharelato.

IMG_8789.jpg

O coloquio levaba por título Mulleres nas Artes Escénicas en Galicia e contou coa presenza de:

  • Blanca Cendán, actriz de longa traxectoria no teatro en Galicia, nada en Ares en 1963, comezou a actuar no teatro en 1988 coa compañía Chévere. É unha das co-fundadoras da Sala Nasa de Santiago de Compostela e en abril de 2010 foi elixida directora do Centro Dramático Galego. Podemos vela tanto en televisión como no cine en series como Galicia exprés e Valderrei, en películas coma Urxa e mais en curtametraxes como A boa caligafía.

sin-tc3adtulo-2.jpg

  • Cristina Domínguez, directora e activista teatral. Impartiu diversos cursos relacionados coa voz e a dicción, tema que tamén ocupa o seu libro Técnicas de expresión oral. O uso expresivo da voz. Recibiu premios á mellor dirección escénica por As do Peixe, O Tío Vania  e Coitelos nas Galiñas. Do 2006 ao 2009 foi directora executiva e artística do Centro Dramático Galego. Algunhas das obras que dirixiu son As presidentas, Coitelos nas galiñas, As do Peixe ou Nacidas libres. Dende o 2015 ata a actualidade é vicedirectora da ESAADG escola superior de arte dramática de Galicia.

Sin título.png

  • Miriam Rodríguez,é a máis ecléctica das artistas galegas, graduouse en Belas Artes en Pontevedra, formouse en teatro, Commedia dell´arte, danza contemporánea, hip hop, funky e canto, góspel, a súa actividade vai dende a performance, a dirección de coros e diversos espectáculos escénicos. Fundadora e vocalista de Le BarLuthier, directora do coro-show Os sons dos Artikgos, docente de teatro musical Dadá, fundadora e actriz en O Eido da Pequena Teatro e pertence a Asociación Galega de Commedia dell´arte Indignati.

Sin título.jpg

Con esta actividade o que se pretendía era levar a realidade do día a día de tres profesionais que traballan no ámbito das Artes Escénicas en Galicia, achegando ao alumnado a súa experiencia ao longo das dilatadas carreiras respectivas.

 

 

 

 

El pase de diapositivas requiere JavaScript.

 

Dende o Departamente de Música e do Equipo da Biblioteca cremos necesaria unha reflexión sobre o papel e o labor das mulleres no teatro en Galicia, como dramaturgas, actrices, figurinistas, artistas da performance, produtoras, directoras artísticas… dándolle visibilidade a diversidade de profesións dentro da escena en Galicia.

 

 

https://youtu.be/yw1oiECIaEs

 

E cómpre dicir que as expectativas cumpríronse con creces.

Así se reflectiu na prensa:

 

Anuncios

TIRA DA PÁXINA en MARZO SEN FRONTEIRAS

Este ano por vez primeira, o grupo de Bacharelato e 2º da ESO do club de lectura participou nas actividades de MARZO SEN FRONTEIRAS, que organizado polo alumnado do ciclo superior do noso centro se celebrou por 5º ano durante a mañá do mércores, 27, nas instalacións de FEXDEGA.

Esta colaboración de TIRA DA PÁXINA inscríbese dentro da iniciativa de lecturas compartidas e inclusivas que arrancou neste ano ( a primeira fíxose cos maiores da Residencia “Divina Pastora”) e que de seguro vaise continuar no futuro, porque este traballo tan valioso enriquece moito máis ao alumnado do club de lectura que o alumnado discapacitado para quen ía dirixido.

Coa profe coordinadora do club de lectura, Pilar Conde, prepararon lecturas con amplas ilustracións e pouco texto reforzadas con pictogramas, pequenos contos tradicionais do mundo (pois a temática deste ano no MARZO SEN FRONTEIRAS eran os continentes), adiviñas e cancións.

Noraboa rapazas e rapaces polo traballo ben feito, pola empatía e pola vosa entrega!

 

El pase de diapositivas requiere JavaScript.

https://www.canalriasbaixas.com/2019/03/27/os-comites-de-empresa-de-ence-sentese-enganados-e-mobilizaranse-2/

Lendo a Barbanza

Derradeira viaxe de Xela.

Xira pola peninsula do Barbanza con alumnado de 1º Bach e 3º ESO.
Unha excursión histórica feita moitas veces dende que o IES do Carril abríu as portas.
Castro Neixón, serra do Barbanza, mirador da Curota e a Curotiña, parque natural de Corrubedo. Dolmen de Axeitos, Castro de Baroña e o seu pequeno centro de interpretació no Porto do Son.

Finalmente un tempiño para padear pola medieval Noia.

El pase de diapositivas requiere JavaScript.


Foi un luminoso día de Marzo cun alumnado excelente guiados por dúas vellas compañeiras que quixeron compartir a que é case con toda seguridade a derradeira viaxe oficial como profe de naturais de Xela.
Esther e Xela disfrutaron e se emocionaron.
Un día para a lembraza.

Recibimos de novo a MARISOL ORTIZ

 

El pase de diapositivas requiere JavaScript.

Tamén neste curso Marisol Ortiz quixo compartir unha sesión co alumnado de 2º ESO (que leu o seu libro La canción de Shao Li) e con tres persoas de 3º que non secundaron a folga convocada para tal data na que tiñamos fixada a visita da autora. O alumnado de 3º ESO leu Cantan los gallos.

Malia a coincidencia coa folga estudiantil, a valoración da autora, do alumnado participante e o das profesoras de Lingua Castelá foi moi satisfactoria.

 

Programas nº 3 e 4 de Radiomalveiras

https://radiomalveiras.wordpress.com/

https://www.ivoox.com/33536526

Viisita do club de lectura á residencia de maiores DIVINA PASTORA

image1(1).png

O grupo de Bacharelato e mais de 2º e 3º de ESO do clube de lectura compartíu unha sesión de lectura coas persoas residentes na Residencia de maiores “Divina Pastora” de Vilagarcía de Arousa. O acto iniciouse ás cinco da tarde e durou arredor dunha hora. Varias señoras corresponderon  lendo e recitando de memoria pola súa parte uns poemas escollidos para a ocasión. A experiencia reslutou tan satisfactoria que promemos repetir sen deixar pasar moito tempo.

Para tal ocasión estreáronse unhas camisetas chulísmas.

75758ffd-6809-42ed-9b50-81413af8a43e(1).JPG

El pase de diapositivas requiere JavaScript.

Acto de recepción do freixo e inauguración das novas placas identificadoras das árbores.

Tal e como estaba previsto, o martes 12 no segundo recreo, procedeuse a celebrar este acto tan entrañable para o que quixo actuar como mestra de ceremonias unha das profesoras que máis tempo leva traballando no instituto, Esther Dasilva.

 

El pase de diapositivas requiere JavaScript.

Tras o saúdo inicial, lembrounos que hai uns anos, poucos, o Equipo da Biblioteca e o departamento de Bioloxía e Xeoloxía, en colaboración con outros departamentos, decidiron recoller nun libro O Espazo Verde do IES Carril, que atoparedes en versión electrónica neste mesmo blog, todas as especies arbóreas e arbustivas que hai no Centro.

Contounos que cando se inaugurou o instituto xa contaba co carballo, que aparece no escudo, e mais os chopos -situados ao lado da cancha de baloncesto-… E que posteriormente se plantaron os castiñeiros,  situados ao lado da  pista deportiva onde se xoga ao fútbol,  traídos do seu eido do Carballiño polo profesor, xa xubilado, Luis Álvarez que ven sendo o pai do profe de mates Ulpiano.

A todo iso dixo que compría engadir o carballo que plantou Chouza coa colaboración de Artiaga e mais o arce doado por Teresa, cando se xubilaron respectivamente nos últimos anos.

E agora temos unha árbore máis, o freixo doado por Xela, que, como sabedes, tamén  está a piques de xubilarse. Este é o seu derradeiro ano na docencia.

Neste acto tamén se procedeu á inauguración de novas placas identificativas das árbores.

A continuación, tomou a palabra a nosa directora, Rosa Gómez, que recibeu oficialmente o freixo en nome de toda a comunidade educativa e salientou o esforzo de quen se encarga ao longo de moitos recreos na bibliotecas de confeccionar as placas identificadoras das árbores.

Logo foron lidos tres pezas literarias a cargo dunha profesora do equipo da biblioteca e das dúas profesoras compañeiras de departamento de Xela:

  • Pilar Conde: “Metáfora da ambiçao” de Francisco Manuel Melo.
  • Pili Capeáns: “El fresno” de María Filgueira García.
  • Paquita Barreira: “O carro”, de Manuel María.

de seguido escoitamos a Partita n.º 2 de Bach titulada “Sarabande”, interpretada ao violín por Helena Rodríguez, alumna de 2º de Bacharelato.

 

Pechou o acto, como non, Xela Cid quen con sabias palabras fixo un repaso agarimoso a tantos esforzos colectivos de antes e de agora, explicou por que elixíu un freixo e confesounos que ao mesmo tempo que a súa árbore pequena vaise arraigando no noso centro afacéndose a vivir entre nós e con nós, ela está a prepararse para vivir unha nova etapa vital emprendendo un camiño en sentido inverso ao do freixiño.

E ben seguro que lles vai ir de marabilla a Xela e a árbore de Xela.

No vestíbulo da entrada principal do instituto, a mesma xela preparou este fermoso mural no que se recollen imaxes e textos que fan alusión á preparaciéon deste acto.

 

 

Recepción do freixo de Xela o 12 de marzo

O espazo verde do IES Carril (está colgada neste blog a súa versión electrónica)  foi editado neste centro no ano 2016 para reflectir un longo proceso que, desde o ano 1994, transformou o solar no que se edificaron as instalación do instituto nun fermoso, diverso e acolledor espazo verde. Nos últimos tres anos chegaron novas incorporacións que non están recollidas, claro está, no noso libro: un carballiño, unha fotinia, un arce.

 

Desta volta tocounos un freixo que regala Xela Cid no seu derradeiro curso antes de se xubilar. E como había que plantalo en tempo, plantouse xa na primeira semana de febreiro. Vaia, que o plantaron entre Xela e mais un grupiño de 1º ESO capitaneados por Kevin e David, quen ademais se encargan con tesón de realizar os rótulos identificadores das árbores deseñados por Maica Fernández, e máis axudan ao profe Xosé Manuel Longo a colocalos despois no seu emprazamento correspondente.

 

Este vindeiro día 12 de marzo, no segundo recreo, celebrarase a recepción oficial do novo exemplar, se o tempo climatolóxico non se pon moi bravo, na parte traseira a onde dan as ventás dos despachos de dirección e máis as da aula de volume. Estades tod@s convidad@s.

bb9dd0bf-a211-478a-b942-4f9f8d976acf

Panel do roteiro literario centrado na novela “Resistencia”

PEIXES NUN MAR DE ARTE

Desde a primeira semana deste mes hai aberto un concurso de peixes.

Organizouno Maika Fernández e consiste en descubrir en que cadros de artistas moi relevantes están inspirados estes peixes creados polo alumnado de Plástica de 4º ESO: Ainhoa Abalo, Noelia Caldas, Julia Rodríguez, Carmen Romero, Starling Valdez, Caio Carriel, Nerea Daponte, Noa Fernández, Adrián Loroño, Raúl Parracho, Edén Rodríguez, Laura Treus, Elías Villarroel.

El pase de diapositivas requiere JavaScript.

Interpretan nas láminas a Van Gogh, Seurat, Picasso, Escher, Klimt, Max Ernst, Renoir, Miró, Vasarely, Paul Klee, Dalí, Basquiat e Magritte. Por esa orde.

E como non podía ser doutro xeiro, o premio é… un bote de peixiños para deleitarse saboreándoos.

IMG_7911.jpg