Archivo del sitio
Monólogos científicos divulgativos
Un ano máis organizouse a semana da ciencia no centro, que en realidade prolongouse durante varias semanas, abranguendo case un mes.
O alumnado de 2º de Bacharelato de Ciencias prestouse a artellar unha sesión de monólogos moi interesantes centrados nunha ampla gama temática.
Moitas grazas.
MONÓLOGOS CIENTÍFICOS
Estes monólogos científicos de carácter divulgativo foron impartidos maxistralmente por un grupo de alumnado de 2º de Bacharelato de Ciencias e de Ciencias Sociais que solventaron con creces os pequenos atrancos técnicos que se presentaron de xeito totalmente imprevisto.
O público destinatario era o alumnado de 3º ESO.
Monólogos matemáticos
Con motivo do ano dedicado desde as bibliotecas escolares ás Matemáticas, varias alumnas de 2º de Bacharelato realizaron monólogos centrados nesta temática durante os recreos dos días 19, 20 e 21 de maio, poñendo así broche matemático ás actividades do MES DAS LETRAS deste ano.
Ademáis, pola súa banda, o depatamento de Matemáticas convocou un concurso de fotografía tamén centrado en contidos matemáticos.
MONÓLOGOS DIVULGATIVOS EN ABRIL
MONÓLOGOS DIVULGATIVOS DE CARÁCTER
CIENTÍFICO E TÉCNICO EN BIBLIOMALVEIRAS
Ao longo da segunda semana de abril, o alumnado de 2º de BACHARELATO desenvolverá un certame de monólogos durante cada un dos dous recreos diarios (agás o segundo do martes, reservado para o TALLER DE POESÍA).
As súas charlas centraranse arredor dunha ampla gama de temas científicos e técnicos.
O seu obxectivo radica en dar a coñecer contidos moi serios dun xeito moi breve e moi ameno.
Todas as persoas que o desexan están convidadas, independentemente do nivel no que estean matriculadas.
Mesmo se convida ¡incluso! ao persoal docente e non docente que queira asistir.
O luns, día 7, comezan
Beatriz Lorenzo, do Bacharelato de Artes, ás 10.40 h. falará do paradoxo de Monty Hall
Candela e Raquel Vidal, do Bacharelato de Ciencias, ás 12.35h. tratarán respectivamente das mulleres científicas e da atracción sexual nos seres humanos.
O martes, día 8, fala
Jonathan Castaño, do Bacharelato de Ciencias, ás 10.40 h. e tratará sobre a Simbiose.
O mércores, día 9, falan
Isabel Piñeiro, do Bacharelato de Ciencias, ás 10.40 h. abordará a cuestión ¿Como se financia unha sociedade?
Carla López, do Bacharelato de Ciencias e Patricia Martiñán do Bacharelato de Artes, ás 12.35h. tratarán respectivamente da cirurxía estética e da evolución do canon de beleza.
IES Miguel A. González Estévez
Bibliomalveiras 