Archivo de la categoría: Uncategorized

Novo aspecto da biblio

 

El pase de diapositivas requiere JavaScript.

As pitas baixo a chuvia, de Carvalho Calero

O Concello do Rosal honrou a Ricardo Carvalho Calero, co gallo do día das Letras Galegas, encargando un fermosísimo traballo plasmado neste vídeo a un equipo no que destaca o guionista e debuxante de area Marcos Escudero.

Desfrutádeo e compartídeo. É precioso.

17 DE MAIO: LL GG 20 20

PHOTO-2020-05-17-12-28-16

Hoxe celebramos o día das LETRAS GALEGAS, porque en tal data do ano de 1863 Rosalía de Castro publicara o seu famosísimo poemario Cantares Gallegos. Malia o título que ía en castelán, era a primeira vez que se editaba un libro (tal e como nós os coñecemos) na lingua galega.

A miúdo esquecemos que isto resultou unha proeza dobre, xa que non só nunca antes se publicara ningún libro en galego, senón que ademais a primeira persoa que acadou este fito histórico foi unha muller.

E non vaiades pensar que era fácil daquela escribir en galego e publicar. Tras tantos séculos escuros desde os marabillosos tempos da lírica medieval, a lingua galega sufría un horrible desprestixio cultural e basicamente era considerada polas clases superiores e ilustradas como unha lingua exclusiva do pobo, é dicir, unha lingua cativa das xentes máis humildes. Pero, por iso mesmo, hai que valorar moitísimo que foran precisamente as xentes humildes as que acadaron mantela viva a pesar do abandono, cando non prohibición, das autoridades e das élites.

No centenario dese primeiro libro de Rosalía, en 1963, a Real Academia Galega instituíu esta efemérides que hoxe celebramos para honrar a figuras destacadas na defensa da lingua e da cultura escrita en galego.

O primeiro ano, ¡como tiña que ser!, a persoa elixida foi a propia Rosalía de Castro. E ao ano seguinte, tocoulle a Castelao, ¡como non!

A lista foise engrosando a modiño, aínda que cómpre criticar que en total so foron honradas ata ao de agora catro mulleres. Iso si, para que alguén poida incorporarse a este listado de honra, ten que morrer primeiro e deixar transcorrer alomenos dez anos do seu pasamento.

dsBuffer.bmp

Programa sobre Carvalho Calero na TVG

 

 

 

 

Día das Letras Galegas 2020: Carvalho Calero

No IES de Arzúa, as profesoras de linguas e o alumnado do instituto prepararon un vídeo conmemorativo do Día das Letras Galegas 2020 centrado na figura de Ricardo Carvalho Calero

 

Concurso de microrrelatos

Stop Accidentes ofrecévos  a posibilidade de participar nun pequeno concurso en liña de microrrelatos sobre os valores de convivencia, solidariedade, respecto e responsabilidade, que hoxe salvan vidas e que agardamos que tamén o fagan nas nosas saídas a rúa. #AcciónsQueSalvanVidas #PorUnhaMobilidadeSegura #EuQuedoNaCasa

O concurso consta de 4 categorías (unha por curso da ESO), e os traballos poden ser presentados en formato relato, viñeta, ilustración ou vídeo, e cada participante poderá presentar como máximo dous traballos. De cada categoría serán seleccionados tres traballos que serán publicados na páxina web de Stop Accidentes, e o/a gañador/a recibirá de premio unha tablet de 10″, habendo un premio por categoría.

Adxuntamos as bases e o link da web:

https://stopaccidentes.org/actua/concurso-de-relatos-cortos-asfalrelatos/gmx-niv230-con1361.htm

 

Haz clic para acceder a BASES_CONCURSO_DE_RELATOS_CORTOS_GALLEGO.pdf

ESCOLA VIRTUAL DE LECTURA PARA FAMILIAS CURIOSAS

Escola de lectura

NOVA XEIRA DE VIDÉOS CRÉATIFS

Estes novos vídeos foron realizados polo alumnado de Francés estimulado pola súa profe Rosa López. Xa comprobaredes que a algunhas desas persoas dáselle moi requetebén isto de crear e mandar vídeos. E mesmo varias das rapazas repiten (tamén repite unha das mascotas como estrela convidada) pois xa enviaran outros vídeos que podedes ver, se non os coñeciades, nesta entrada anterior do blog da biblioteca:

https://bibliomalveiras.wordpress.com/2020/04/11/participantes-na-convocatoria-de-videos-creativos/

¡Noraboa a todas e a todos!

E moitas gracias, porque ademais de regalármonos un rato ben amable coas vosas producións, ides conseguir que se cadra alguén aprenda un chisquiño de francés.

Se queredes tamén visitar a páxina na que a profe Rosa colgou orixinalmente os vídeos, aquí queda estoutro enlace a CHEZ ROSA

https://letourdecarril.wordpress.com/chez-rosa/chez-2o-eso/

 

 

 

 

 

 

123 Preguntas sobre el coronavirus

Neste tempo de coronavirus, é algo moi de agradecer a cantidade de xente xenerosa que pon de balde ao noso alcance o seu valioso traballo. Este é o caso dun libro moi fácil de ler ou consultar sobre o coronavirus titulado 123 Preguntas sobre el coronavirus, que se pode descargar moi fácilmente.

Marián García, máis coñecida como Boticaria García, é doutora en Farmacia, graduada en Nutrición Humana e Dietética e en Óptica e Optometría. Compaxina a docencia no Grado de Nutrición da Universidade Isabel I cun intenso labor de divulgación sanitaria en medios de comunicación e redes sociais.

É colaboradora habitual en Zapeando (La Sexta) e anteriormente traballou nos programas Saber vivir (La 1), Xa é mediodía (Telecinco) e Órbita Laika (La 2). En radio colabora semanalmente en RNE no programa de Pepa Fernández De cabo a cabo. En prensa é columnista no suplemento «Papel» do xornal El Mundo.

Defensora da divulgación a través de Internet, suma máis de 200.000 seguidores en redes sociais. O seu blog, con máis de dous millóns de visitas mensuais, obtivo o premio 20 Blogs ao mellor blog de España outorgado polo xornal 20 Minutos. En 2018 recibiu o premio ACES (Asociación de Cadeas Españolas de Supermercados) ao mellor labor de información en redes sociais e o premio eHealth Awards 2018 á «Cazabulos do ano».

Fonte: laesfera@esferalibros.com

Tamén ten unha canle en YouTube.

Publicou estes libros: El paciente impaciente y otras anécdotas // El moco radiactivo. Y otros desvelos de padres primerizos // El jamón de York no existe. La guía para comprar saludable y descubrir los secretos del supermercado

Boticariagarcía

Descarga de balde do libro

XERAIS: AUTOR@S EN VOZ PROPIA

A editorial Xerais, a través da súa canle en YouTube, ofrece nesta ligazón

#envozpropia: Campaña nas redes sociais de Xerais

a posibilidade de acceder a unhas ducias de vídeos nos que autoras e autores len a primeira páxina dun dos seus libros para compartilos.

Unha desas escritoras, por exemplo, é Ledicia Costas

No día do libro, honramos a Luis Sepúlveda

O grupo de profes da biblioteca, quixemos organizar un pequeno audiolibro para colgalo neste blog, sen maior pretensión que estimular o gusto pola lectura aproveitando a ocasión do 23 de abril, día do libro.

Así que algunhas de nós apuntámonos á tarefa e convidamos a outras profes do instituto ás que lles apetecía participar.

 

Sepúlveda

Dáse a desafortunada circunstancia de que Luis Sepúlveda, o afamado autor chileno que vivía en Xixón, foi a primeira vítima do coronavirus en Asturias (pillouno nun congreso de escritores en Póvoa de Varzim) e tras loitar durante 40 días, finou o 16 deste mes de abril.

Sin título
Na súa memoria gravamos a lectura por capítulos da primeira metade da última obra deste escritor, publicada o ano pasado, e que se titula HISTORIA DE UNA BALLENA BLANCA. Trátase dun libro curto de 14 capítulos de ton naturalista e que claramente nos evoca MOBY DICK, de cuxo autor Herman Melville se cumprían douscentos anos do seu nacemento no ano pasado 2019.

 

Ademais, aínda que sexa no seu nome propio, podemos proxectalo á memoria de tantas vítimas anónimas desta noxenta pandemia que nos retén en confinamento.

Pretendemos que tomedes este pequeno audiolibro como un agasallo para vós, unha invitación máis a que leades e tamén como unha declaración de admiración por Luis Sepúlveda.

Convidamos a que busquedes o libro e leades en por vós os capítulos restantes, aínda que hai outras excelentes obras de Sepúlveda moi fáciles e atractivas.

Lembrade que en dúas entradas recentes deste blog, atoparedes varias canles para ler en liña e de balde.

As profes que participamos neste gratísimo enredo somos Pilar, Iria e a nosa queridísima profe emérita Tareixa (L. Galego), Marta (E.F.), Rosa e Matilde (Fr.) e Manuela (L.Castelá). Non poñemos os nomes en orde segundo os capítulos lidos, para ver se adiviñades pola voz antes do segundo segundo de cada gravación.

Lémosvos, pois, os primeiros sete capítulos, cada un leva arredor de 3 minutos.

Non seredes quen de ler os outros 7 que faltan?

lista

<a href=”https://www.ivoox.com/capitulo-1-audios-mp3_rf_50330177_1.html&#8221; title=”Capítulo 1″>Ir a descargar</a>

<a href=”https://www.ivoox.com/capitulo-2-audios-mp3_rf_50330793_1.html&#8221; title=”Capítulo 2″>Ir a descargar</a>

<a href=”https://www.ivoox.com/capitulo-3-audios-mp3_rf_50329559_1.html&#8221; title=”Capítulo 3″>Ir a descargar</a>

<a href=”https://www.ivoox.com/capitulo-4-audios-mp3_rf_50329326_1.html&#8221; title=”Capítulo 4″>Ir a descargar</a>

<a href=”https://www.ivoox.com/capitulo-5-audios-mp3_rf_50328416_1.html&#8221; title=”Capítulo 5″>Ir a descargar</a>

<a href=”https://www.ivoox.com/capitulo-6-audios-mp3_rf_50328888_1.html&#8221; title=”Capítulo 6″>Ir a descargar</a>

<a href=”https://www.ivoox.com/capitulo-7-audios-mp3_rf_50329081_1.html&#8221; title=”Capítulo 7″>Ir a descargar</a>